Sosiedade Sivil Konsidera Governu La Seriu Dezenvolve Setor Importante

DILI, STLNEWS.co – Relasiona ho Orsamentu Jeral Estadu (OJE) tinan 2022 nian neebe governu aloka ba setor haat (4) mak edukasaun, saude, bee moos no agrikultura 17%, Sosiedade Sivil konsidera governu la seriu ona atu dezenvolve setor importante neebe fo retornu direita ba povu.

Kestaun nee hato’o husi Diretor Asosiasaun HAK, Sisto do Santos katak, dadaun nee governante orgaun no instituisaun relevante sira la seriu ona atu investe ba aspetu neebe importante, no fo retornu direita ba povu sira hanesan agrikultur, bee moos, saude, no edukasaun.

“Ami triste liu, ida ba area bee moos nian nee OJE tinan 2021 nian aloka  0,7%, maibe iha OJE tinan 2022 nian 0,4 %, ida nee komesa hatudu ona katak, ita nia ukun nain sira la hanoin ona atu dezenvolve povu sira nia moris, maibe sira hakarak atu uza rekursu estadu nian nee para atu asegura sira nia poder politiku, hodi mantein nafatin,” dehan nia ba STL iha knaar fatin, Farol, Dili, Segunda nee (22/11/2021).

Nia dehan, dadaun nee governu la tau importante ona ba setor hirak nee, maibe buka asegura sira nia poder, maibe povu moris mukit ba nafatin.

Ami hanoin ida agora governu aloka 17% nee ba setor haat (4) nee kiik liu, maibe governante sira nafatin tau prioridade hodi aloka osan ba projetu tasi mane, iha estudu nia laran, ita presiza tinan rua nulu atu halo estudu tan, tanba saida ita la prepara osan aloka ba agrikultura, nunee molok mina nee maran no osan mina nee hotu, ita mos iha ona rekursu naton.

Nia hatutan, se bainhira governu sira la tau importante ba setor importante hirak nee, aban bairua sei mosu krize boot, ema barak sei kiak sai marzinalizadu susar atu asesu ba hahan, susar hetan bee moos, ai-moruk, i susar liu tan povu kiik sira atu dudu oan ba eskola.

Iha fatin hanesan, Dekanu Universidade Nasional Timor Lorosae (UNTL) Camilo Ximenes hatutan, nia hanoin governu tenke fo prioridade ba eskola publiku sira iha territoriu tomak, liu – liu  (pre eskolar, ensinu baziku no sekundaria), nunee labarik hotu – hotu bele hetan benefisiu husi partisipasaun iha nivel pre-eskolar.

(san)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...