Sosiedade Sivil Tenke Halo Advokasia Makas Ba Prevensaun Krime Organizadu

DILI – Trafiku umanu nee krime organizadu, se krime oragnizadu nee sempre ema intelektual mak halo, se lei nee iha kerdizer iha problema tanba nee mak sosiedade sivil tenke halo advokasia makas ba prevensaun krime organizadu.

Informasaun nee fo sai husi Prezidente Konsellu Nasional Juventude Timor Leste (CNJTL), Maria Dadi Magno ba jornalista sira, wainhira partisipa workshop konaba Fronteira Maritima, Caicoli-Dili, Kinta (27/10/2016).

Ita sosiedade sivil halo advokasia makas liu tan, bele halo prevensaun liu-liu krime sira neebe organizadu, krime ida neebe ita tenke halo estudu klean, bolu dehan Shot analisis, ita tenke halo servisu integradu,” dehan Maria.

Maria haktuir, halo advokasia nee laos deit parte sosiedade sivil, servisu mos instituisaun Governu, hanesan PNTL-F-FDTL tanba nee krime organizadu ho durasaun neebe naruk ho planu ida forte, se lae fo afeita makas ba sosiedade liu-liu estadu Timor.

Iha sorin seluk, Diretor Ezekutivu FONGTIL, Arsenio Pereira dehan, lei trafiku umanu nee importante, tanba nee tenke iha lei Ida atu bele proteze ba ita nix populasaun. Informasaun kompletu iha STL Jornal no STL Web, edisaun Sabado (29/10/2016). Raimundo S. Fraga

 

LEAVE A REPLY

Please enter your comment!
Please enter your name here