DILI, STLNEWS.co – Spesial Olympics Timor Leste (SOTL) realiza atividades konaba Youth Activation, hodi promove abilidade ema ho defisiensia intelektual
Prezidente Special Olympics Timor Leste, Maria Domingas Alves informa, atividade Youth Activation importante tebes ba atleta Ema ho Defisiensia hodi motiva sira atu sai lideransa iha futuru. Atividade Youth Activation nee ba Ema ho Defisiensia ida nee programa husi SOTL.
“Maski sira joven ka lider, sira tenki partisipa, nunee sira bele senti konfidensial, seguru no sira senti katak sira dignidade hanesan ho joven sira seluk, para bele halo atividade saida deit,” dehan nia ba jornalista sira iha Salaun Luz Clarita, Dili, Kinta (12/10/2023).
Nia dehan, hanesan ema hotu akompanha iha dialogu, signifika sira iha kapasidade durante formasaun fulan tolu, sira bele partisipa iha arte kultura hanesan dansa no seluk tan.
Nia esplika, formasaun nee halao ona durante fulan tolu ba atleta sira oinsa hatene misaun no vizaun husi SOLT nian, depois sira tenke hatene konaba atividade nee rasik, sira sei joven sira sai lider mezmu ho kondisaun defisiente sira bele sai lideransa.
Nia akresenta, joven sira aprende iha atividade Youth Activition sira mos aprende iha helth Community katak iha familia no ativista sira seluk.
Tanba Spesial Olympic Timor Leste nee kompostu husi piramide tolu hanesan, ativista, familia no atleta, nee signifika piramide tolu servisu hamutuk, programa bele lao.
Jeralmente programa mak Youth Activition, Helth Community no halo sensus ba sira no mos foo formaaaun ba sira kiik oan tantu iha nivel munisipal no nasional, atu nunee kontinua ba atividade desportu hanesan joga, presiza sukat matenek sira nian katak komprovativu bele hola parte iha SOLT duni.
Nia afirma, orsamentu ba formasaun nee hetan apoiu hosi Ministeriu Solidariedade Sosial no Inkluzaun (MSSI) ho total montante US$ 2.409.
Entretantu, total membru iha Spesial Olympiku Timor Leste daudaun nee hamutuk 799.
(mar)
