SP Husu Governu Hadia Setor Turismu Iha TL

DILI, STLNEWS.co – Setor Privadu (SP) husu ba governu promove setor turismu iha rai laran, atu nunee Covid-19 hotu karik bele atrai turista sira mai, maibe fatin turistiku ida atu diak, setor infraestrutura hanesan estrada sai save hodi fasilita vizitor sira.

Kestaun nee fo sai husi Prezidente Carama Comersiu Industria Timor Leste (CCI-TL), Oscar Lima ba STL Kinta nee (23/09/2021) iha nia knaar fatin Comoro.

“Hau hanoin governu tenke kria Kondisaun, liu – liu dezenvolve setor turismu, maibe hadia uluk kondisun neebe diak, estrada nomos fatin deskansa nian, atu nunee vizitor sira ba pasa tempu karik, bele hela iha fatin neebe diak no la presiza lori tan hahan ruma ba neeba, maibe bele ba han iha neeba tanba fatin iha,” dehan Prezidente CCI-TL.

Nia mos afirma liu tan, estrada barak mak governu hadia ona, maibe ba fatin turismu sira nee tenke hadia diak liu tan, no dala ruma ema atu visita fatin turismu sira nee, maibe laiha warun ka mini restorante ruma, tan nee obriga vizitor sira tenke lori kedas hahan husi uma, lolos kria fatin ruma, atu nunee vizitor sira ba karik bele husik hela osan rahun ruma iha neeba, tanba sira ba han iha fatin neebe governu prepara.

Iha parte seluk, reprezentante povu iha uma fukun Parlemtu Nasional, Deputadu Jose Paiseco hatutan, los duni atu dezenvolve setor turismu sai furak hodi atrai turista sira, mak knaar governu nian atu kria kondisaun neebe seguru hodi atrai turista sira.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...