SS Ema Kiak Mak Sai Vitima Liu

DILI, STLNEWS.co – Relasiona ho serka sanitaria neebe governu kontinua extende tan, Defensor Direitus Humanus konsidera ema kiak mak sai vitima liu ba konsekuensia implementasaun serka sanitaria nee.

Kestaun nee hatoo husi Defensor Direitus Humanus (DDH), Novelino dos Santos ba STL liu husi Whatsapp, Sesta nee (30/042021).

Tuir nia katak, impaktu husi implementasaun serka sanitaria no konfinamentu obrigatoriu iha, tanba Timor oan barak lakon servisu, lakon rendimentu, lakon estudu tan deit medidas prevensaun Covid-19 no kontinua extende serka sanitaria reforsa liu tan desigualdade, disordem no inserteza sosial.

Kondisaun desigualde, disordem, no inserteza nee laos mesak deit, maibe nuudar rezultadu husi pratika injustu durante governasaun periodu independensia nian, situasaun ida nee fahe liu tan povu maubere namkari ba bebeik no haterus liu tan povu nee no teri netik nia luta ba moris diak no justu.

“Tuir ami nia haree, ema neebe mate, mesak ho moras komplikadu, idade no malnutrisaun, maibe em jeral, ema-kiak mak sai vitima liu ba Covid-19 nee,” tenik Novelino.

Nia haktuir tan, governante sira sem apoiu ou programa sosial imediatu sira ba ema kiak, ba saude no bem-star ema nian, ba ema ferik-katuas, ema ho malnutrisaun mak bele sai vitima barak liu ba Covid-19 iha Timor.

Iha sorin seluk, Timor oan nain-ida mos konfirmadu oho an tanba kauza hamlaha iha periodu serka sanitaria, primeira vez iha istoria Timor nian durante periodu Covid-19 nee hatudu katak, ema mate tanba hamlaha, maske hahan iha empreza privadu no armajem estadu sei iha no barak tebes.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: