SS Fo Impaktu Ba Atividade Asia Foundation

DILI, STLNEWS.co – Ho Covid-19 neebe mak fo ameasa ba mundu tomak inklui mos Timor Leste halo governu implementa Serka Sanitaria (SS) hodi prevene povu husi moras nee, ho situasaun hirak nee fo impaktu mos ba atividade Asia Foundation nian.

Kestaun nee hato’o husi Rosa Cardoso hanesan mos Program Officer – Ending Violence Against Women and Children husi Asia Foundation ba STL liu husi telefone, Sesta (10/09/2021).

“Sim, fo impaktu tanba maioria atividade neebe planu ona iha anual workplan balun tenke adia (muda) ba tempu seluk, no atividade balun liu – liu hanesan workshop, meeeting no treinamentu sira tenke kansela no troka fali ho atividade seluk neebe la inklui iha anual workplan, no The Asia Foundation halo atividade hodi responde ba situasaun atul deit,” dehan nia.

Nunee mos durante implementa SS atividade neebe mak prinsipal Asia Foundation halo iha atividade prinsipal rua mak kontinua fo asistensia ba vitima feto no labarik no hasae ema nia konsiensia hodi prevene hasoru feto.

Nia hatutan, iha mos atividade seluk neebe iha sira nia programa halo mak, fo asistensia ba sentru evakuasaun sira iha Dili no munisipiu sira durante akontese inundasaun, liu – liu aistensia ba vitima feto no labarik no ema hotu iha kampu refujiadu sira, no atividade nee halo servisu hamutuk ho instituisaun governu sira hanesan, Ministeriu Solidaridade Sosial no Inkluzaun (MSSI), Sekretaria Estadu ba Igualdade no Inkluzaun (SEII), protesaun sivil, no NGO.

Iha biban nee nia mos hato’o mensajen ba feto sira oinsa mak kontinua luta ba oin nafatin, atu ativu iha dezenvolvimentu nasional.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: