SS – KO Hamosu Konflitu Ba Edukasaun

DILI, STLNEWS.co – Implementa Serka Sanitaria (SS) no Konfinamentu Obrigatoriu (KO) iha kapital Dili, hodi hamosu konflitu ba setor oin-oin hanesan edukasaun, ekonomia no seluk tan.

Akademista Universidade Dili (UNDIL) atual Vise Reitor III, Hugo Lourenco da Costa hatete, Premiadu Nobel da Paz Ramos Horta deklara nee los, hanesan eskola online benefisiu ba ema riku nia oan sira, tanba sistema online presiza laptop, telefone android ka telefone kualidade, no situasaun ida nee mak profesores sira hasoru, ida nee sai dezafius boot ba povu iha nasaun liu liu ba inan aman sira neebe mak maske susar, maibe hakarak investe ba oan sira iha eskola.

“Tanba nee mak governu halo SS no KO nee hamosu dezafiu neebe boot entre kiak no riku, situasaun nee ba oin hamosu konflitu klases sosial iha ita nia nasaun, liu-liu kona ba eskola online. Laos deit iha ita nia rain mak enfrenta situasaun nee, maibe iha nasaun seluk mos iha familia barak mak sofre ba eskola online, tanba nee governu tenke hare situasaun ida nee,” hatete Hugo ba STL, liu husi telefone, Kuarta (02/06/2021).

Nia dehan, politika SS no KO hodi hapara eskola sira mak lalos, tanba nasaun sira neebe afeta makaas ba covid nee rasik mos eskola kontinua loke, ita utiliza covid mate klamar nee, hodi abandona tiha eskola, serake edukasaun mak xave no rin ba nasaun.

“Politiku sira presiza haree katak, desizaun ida presiza haree no halo analiza kona ba impaktu sosial, tanba laos deit edukasaun, maibe hamosu konflitu iha area oin-oin hanesan, ekonomia, edukasaun, no seluk tan,”nia tenik.

Hugo akresenta, iha nasaun neebe povu kuandu hahu hamlaha hatudu katak, povu nasaun nee moris iha pobreza, tanba ema lakon serbisu katak, ema lakon nia rendimentu ekonomia, tanba nee maka SS no KO la merese atu kontinua, ukun nain neebe matenek utiliza poder nuudar konfiansa atu hadia povu no lori nasaun ba oin, liu husi dezenvolvimentu setor hotu-hotu, laos asegura ukun no lori povu ba enfernu.

Iha fatin seluk antes nee, Premiadu Nobel da Paz, Jose Ramos Horta hatete, covid ekonomia nee fo impaktu ba labarik sira, no liu-liu Timor problema boot maka kona ba eskola online.

“Liu husi online presiza tebes telemovel neebe diak no kualidade ka laptop neebe diak no rede internet neebe diak no selu karun, nunee ida eskola online nee realidade labenefisia no benefisia ba estudante sira neebe inan aman osan barak, maibe kuitadu ba sira neebe osan laiha inan aman kbiit laek,” nia hakotu.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: