SS – KO Produtu Lokal Munisipiu Lasirkula Mai Dili

DILI, STLNEWS.co – Relasiona implementa Serka Sanitaria (SS) no Konfinamentu Obrigatoriu (KO) iha kapital Dili, produtu lokal iha munisipiu sira lasirkula mai Dili.

“HAK nia observasaun husi area agrikultor ita paradu, tanba produtu sira neebe mak agora lao dadauk iha munisipiu hanesan Aileu, Ainaro Ermera, Baucau no Viqueque, agora labele sirkula mai Dili, tanba SS,” hatete Diretor Asosiasaun HAK, Sisto dos Santos ba Jornalista sira, iha Salaun CNE Sesta (28/05/2021).

Nia hatutan, agora importante oinsa atu masimu agrikultor nee, nunee povu labele hamlaha lai, maka foin rezolve nesesidade kakutak nian.

Aleinde nee mos mota sira neebe mak uluk kanaliza ba irigasaun nee, komesa naksobu ona, presiza normalizasaun ba mota sira nee, klaru katak, lapresiza hein konstrusaun boot iha situasaun ida neebe krize ekonomia ka politika ida nee.

“Ami hanoin katak HAK ezije ba PN liu husi Komisaun C hamutuk ho Ministeriu Agrikultor atu normaliza mota sira, nunee ba tinan ida nee ita labele abandona ita nia natar sira,” nia tenik.

Nia afirma, maske iha SS maibe asegura no garante katak, pontus hirak nee labele abandona no hirak tempu kueleta labele husik too dodok, maibe tenke apoiu husi PN Komisaun C, nunee agrikultor sira iha motivasaun servisu no modelu ida nee mak bele sobrevive no biar moras mai, maibe lalakon esperansa futuru nian.*

Reportajen: Blandina Mauno/Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: