SS – Konfinamentu Domisiliariu Afeta Prosesu Ho Prazu

DILI, STLNEWS.co – Relasiona ho rezolusaun governu neebe kontinua prolonga Serka Sanitaria (SS) no Konfinamentu Domesiliario, afeta ba iha prosesu kontinuasaun, neebe lao ho nia prazu.

“Servisu hanesan advogada em termos ligasaun ho prosesual hotu, iha ami nia afeitasaun ba konfinamentu neebe estende bebeik, difikulta ami ho prosesu sira neebe ho prazu,” dehan Advogada Privada, Virna de Carvalho ba STL, iha TDD, Tersa (11/05/2021).

Nia fo ezemplu, se prosesu kontinuasaun iha konfinamentu nia laran, maka deteta sira nia membru ka juiz balu husi prosesu titular efetivu ba corona, prosesu kontinuasaun labele kontinua ona, tanba lakon prazu no tenke repete fila fali tuir lei hateten.

Nunee hanesan sidadaun hotu kumpri ba regra neebe hasai, maibe ho aplikasaun nee, iha parte balu atu atende kliente sira difikulta uitoan, tanba ho situasaun nee labele hasoru sira.

Hatan kona ba TR hasai despaisu atende deit kazu urjente nia esplika, aseita ho despaisu nee tanba ita nia vida importante, no hare mos ba moras nee iha kada loron kontinua aumenta, ho nunee presija kumpri regra MS atu prevene an husi pandemia nee.

Advogada nee mos husu ba nia kliente sira, neebe afeta hela Covid-19, husu atu mantein nafatin regra neebe iha, hodi rekopera lalais.

Iha fatin ketak, Advogada Privada, Belmira Fernanda Soares dehan, regra neebe iha impede nia atu koalia ho kliente sira konaba prosesu neebe sai defeza ba.

“Mai hau pessoalmente konfinamentu neebe iha Dili nee, impede tebes hau nia servisu, hau nia kliente iha sira labele mai hasoru hau, tanba iha Dili aplika hela serka sanitaria no konfinametu neebe iha,” dehan Advogada nee.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: