DILI, STLNEWS.co – STAE halao ona resensiamentu ba eleitores 858.300 resin, neebe sei partisipa iha eleisaun prezidensial, no oras nee resensiamentu lao hela, loron 14 fulan Janeiru agora taka ona.
Informasaun nee Diretor Jeral STAE, Acilino Manuel Branco dehan ba jornalista sira, bainhira partisipa iha retiru nasional CNE, Colmera, Kuarta nee (12/01/2022).
“Resensiamentu eleitoral bainrua data ikus, tanba loke fulan 6 resin ona, hakarak ka lakohi dia 14 nee ita taka. To’o agora eleitores to’o fulan kotuk ita iha 858. 300 resin, kompostu husi rai laran no rai liur, maibe iha hela faze konklui, tanba hela loron hira tan foin tama faze final,” informa Diretor Jeral STAE Acilino.
Diretor jeral nee husu sidadaun hotu seidauk rejistu bele ba iha sentru atendimentu sira atu rejistu, tanba sei la rejistu bainhira taka ona, mezmu sei kontinua atendimentu depois tribunal rekursu fo sai rezultadu neebe sei halao iha fulan Maiu nia laran.
Kontinua ba pajina 2
