STL Hato’o Sentidu Kondolensia Ba Familia Enlutada Avo Ana

DILI, STLNEWS.co – Familia boot Suara Timor Lorosae Corporation (STL-Corp) Sesta (03/09/2021) vizita mate isin, Ana Maria Fernandes de Vasconcelos iha uma matebian Fatumeta, Aldeia 5 Outubru, Suku Bairo Pite, Postu Administrativu Dom Aleixo, Munisipiu Dili, hodi hatoo sentidu kondolensia profunda ba familia enlutada Avo Ana.

Iha vizita nee, familia boot STL Corp lidera husi pioneiru STL no Xefe Redasaun, Salvador J. Ximenes Soares akompana lideransa strutura STL Corp hanesan, Senior Bisnis, Florencio de Oliveira, Managing Editor, Domingas Gomes no seluk – seluk tan.

Iha mate uma, familia boot STL Corp simu husi familia boot enlutada Avo Ana.

Tuir observasaun STL hatudu katak, husi inisiu Avo Ana mate iha Kuarta kalan (01/09/2021) too Sesta nee, familia, parentes, kolegas no amigus husi parte oin – oin vizita mate uma hodi hato’o sentimentu teristeza no sentidu kondolensia klean ba familia enlutada Avo Ana.
Ana Maria Fernandes de Vasconcelos neebe konesidu ho naran avo Ana hakotu nia iis iha Hospital Nasional Guido Valadares (HNGV) Dili, Kuarta kalan (01/09/2021) tuku 23.50 OTL.

Iha loron Sabadu (28/08/2021), Avo Ana ho kondisaun saudavel sei akompana prosesu funeral nia feto foun, Eugenie Augusta Tatuluse (fen kaben Casa Civil, Francisco Maria de Vasconcelos).

Too Sesta nee, matebian nia oan mane, Francisco Maria de Vasconcelos (Atual Xefi Casa Civil) seidauk to’o iha Dili. Tuir informasaun neebe diariu nee rekolla husi mate uma hatete katak, Francisco Vasconcelos Sesta nee foin sai husi Illa Lirung, Distritu kepulauan Talaud, Sulawesi Norte, Indonezia mai Dili.

Tuir planu mate isin matebian Avo Ana hakoi iha Domingu (05/09/2021). Antes halao prosesu funeral, mate isin matebian Avo Ana sei lori ba igreja Hosana Dili.

Avo Ana neebe mate ho tinan 107, fulan haat loron sanulu resin hitu, husik hela oan nain 5, feto no mane foun nain 3, bei-oan 14 no 25 bei-oan dalas rua (cicit). Boa viajen Avo Ana.

Reportajen: Yulius Ora/Mikael Mali Mau

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: