DILI, STLNEWS.co – Planu governu liu husi Ministeriu Solidaridade Sosial no Inkluzaun (MSSI) konaba atu atribui subsidiu ba inan isin rua sira, tanba nee, Organizasaun Mane Vizaun Foun Timor Leste konsidera ida nee mos kontribui ba joven sira atu kaben sedu.
Tuir Diretor Mane Vizaun Foun Timor Leste, Americo de Araujo katak, planu governu nian katak, buat ida neebe mak atu kontribui ba moris diak ba komunidade liu – liu ba sosiedade sira, atu fo subsidiu ba inan isin rua sira, mais tenki hatene parte pozitivu no negativu.
“Ita tenki haree didiak iha parte ida positivu ou negativu, tanba dala ruma ema nia hanoin nee tenki tetu didiak no asegura didiak ninia lalaok nee, tanba dala ruma mos subsidiu nee bele fo fali espasu ou oportunidade ba kaben sedu, tanba ema garantia hela katak kaben sedu iha subsidiu,” tenik Americo de Araujo ba jornalista sira iha Delta Nova, Dili, Sesta nee (08/04/2022).
Nia dehan, governu apoiu mais dala ruma tenki haree didiak sistema ida neebe lao hanesan nee, iha parte balu ajuda tebes, mais tenki tau kriteira ida neebe merese duni no para ida neebe mak labele atu hetan ida neebe tenki hetan, tenki mai husi prosesu ida, se lae husik jeral deit ema hotu – hotu dehan, hahu kedas labarik kiik bele kaben sedu.
(mar)
