Subsidiu FP, HAK Husu Karreta Estadu Tenke Para

DILI, STLNEWS.co – Governu apoiu subsidiu ba Funsionariu Publiku atu uza no ho tan osan transporte, kareta estadu para hotu iha kada ministeriu, no ida neebe mak iha ona transporte diak liu lalika fo tan.

Kestaun nee hato’o husi Vise Diretora Asosiasaun HAK, Filomena Barros dos Reis ba jornalista iha nia knaar fatin Farol, Kuarta nee (22/09/2021).

Nia hatete, Asosiasaun Hak husu karreta sira neebe estadu, no uza mina estadu tenke para hotu iha kada ministeriu, sira la lori sai.

Vise Diretora Asosiasaun HAK nee hatete, osan transporte ba Funsionariu Publiku nee, tenke hatene katak, sira neebe Diretor Jeral, Xefe Departamentu no sira neebe nivel aas iha ona nee lalika fo, tanba sira iha transporte, maibe se sira neebe laiha liu transporte nee bele fo, maibe se iha ona subsidiu nee lalika fo tan osan.

“Se governu fo osan transporte ba funsionariu sira, karreta sira neebe estadu ninia, uza mina estadu nian nee povu nia kosar been, tenke para hotu iha fatin kada ministeriu, sira la lori sai, atu sese fali, la lori, atu labele iha despeza aas ba karreta no mina, se lae sira enak loos, iha fatin ema hotu – hotu, bainhira eskola hotu buka mak funsionariu publiku, tanba atu hetan buat sira nee sala,” dehan nia.

Filomena husu ba  governu halo avaliasaun klean, hodi haree no tetu didiak mak fo, tanba povu kiik deit atu ba sosa sasan tenke selu taxa, maibe funsionariu sira simu osan kada fulan, simu kareta estadu no mina, maibe fo tan osan transporte.

Nia hatutan, uza veikulu estadu nian, ba situasaun serbisu estadu nia desloka ba munisipiu, maibe orden servisu nee bele, laos uza karreta estadu tula feen oan no tula aimaran nee lalos.

Nunee mos, Diretor Ezekutivu Asia Justice And Rights (AJAR) José Luis de Oliveira hatutan, osan transporte kada fulan ba Funsionariu Publiku sira nee, gasta osan ba fasilita satisfasaun funsionariu, diak liu subsidiu ba povu kbiit laek sira.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...