Suku Obulo Kontente, Tempu Besik Sei Asesu Eletrisidade

DILI, STLNEWS.co – Komunidade iha Suku Obulo, Postu Administrativu Atsabe, Munisipiu Ermera kontente tanba governu bele tau ona importansia atu dada eletrisidade ba suku nee.

Ba STL Kinta (03/06/2021) Xefe Suku Obulo, Fernando Maia Marques hateten, povu Obulo kontente, bainhira rona governu fo sai dehan, tinan ida nee ahi bele tama ona iha Suku Obulo nomos suku seluk neebe too agora eletrisidade seidauk tama.

“Hau hanoin povu kontente, tanba tinan barak nia laran eletrisidade iha suku nee la tama, no agora governu foin planu atu dada mai iha suku, ida nee agradese boot ba governu fiar katak, iha tempu badak nia laran governu bele realiza duni planu nee,” dehan Autoridade lokal nee ba STL liu husi telefone.

Nia informa liu tan, uluk governu haruka ona kompania balun lori ona besi rin eletrisidade mai hatun iha suku laran nee, maibe la hatene problema halo nusa, besi rin sira nee kompania sira mai tula lori ba dada fali ahi iha suku seluk neebe vizinu ho Suku Obulo, tan nee Suku Obulo kontinua sunu deit lampu, too agora maka governu foin hanoin atu dada ahi mai iha suku nee, agora iha ona prosesu tenderizasaun fiar katak bele realiza iha tinan ida nee.

Iha parte seluk reprejentante governu atual Sekretariu Estadu Komunikasaun Sosial, Mericio Akara hateten, total suku atus hat resin iha teritoriu laran nee maioria asesu ona lina eletrisidade, maibe hela deit ona suku 70 resin maka too agora ahi seidauk tama, tanba nee governu tau ona orsamentu.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: