Sulan Povu Numeru Pozitivu Nafatin Sae

DILI, STLNEWS.co – Reprezentante povu iha uma fukun Parlamentu Nasional (PN), preokupa ho governu implementa Estadu Emerjensia (EE) neebe kuaze tinan ida resin ona ho Serka Sanitaria (SS), maibe numeru pozitivu Covid-19 nafatin kontinua sae.

Deputada Veneranda Lemos triste atu koalia situasaun ida agora governu halo EE tinan resin, Serka Sanitaria (SS) no Konfinamentu Obrigatoriu (KO). “Sulan povu maibe moras Covid-19 sae ba beibeik, nee buat ruma lalos. Se ita hotu preokupadu ho situasaun ida hanesan nee, tenke iha esklaresimentu ruma atu hatete ba iha publiku saida mak lalos. Tanba ita halo hotu tiha EE iha tinan naruk, maibe hatete nafatin numeiru sae no ema mate barak, situasaun nee preokupante tebes,” dehan nia liu husi plenaria iha PN, Tersa (31/08/2021).

Nia afirma, relasiona ho vasina Xefe Governu rasik hatete, ema neebe vasina dala 2 bele halo sirkulasaun, ba fali ministru sira balun dehan labele tenke halo swab. Governu saida mak hanesan nee, atu lori rai no povu ida nee atu ba neebe.

Nia tenik, iha fatin ema barak hakilar katak governu bosok, tanba laos opozisaun mak hatudu liman no hakilar deit, maibe agora povu rasik haree se mak bosok.

“Se ita hakarak atu lori povu no rai ida nee ba moris diak, hanesan ita hotu – hotu nia mehi, tau netik atensaun ba ema sira neebe moris iha sala izolamentu,” hatutan nia.

Iha fatin seluk akademista UNTL, Felisberto de Carvalho dehan, governu implementa hikas Konfinamentu Domisiliariu (KD), tanba numeru transmisaun Covid-19 aumenta iha Munisipiu Dili. Maibe husi implementa EE, SS, no KO.

Aleinde nee relasiona ho vasina husi deklarasaun Primeiru Ministru katak,  ba ema sira neebe simu ona vasina dala rua bele halo movimentu livre,  maibe ba membru governu bandu ema hodi halo movimentu.

Tanba nee husu ba Xefe Governu ho membru governu sira, bainhira atu atualiza informasaun ka fo sai informasaun ba publiku tenke liu husi koridor ida, atu nunee labele kria konfuzaun.*

Reportajen : Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: