Sulan Povu Presiza Halo Uluk Survei

DILI, STLNEWS.co – Bainhira estadu hanoin atu sulan nia povu, lolos tenke halo uluk survei antes foti desizaun hodi implementa estadu emerjensia (EE), serka sanitaria (SS) no konfinamentu obrigatoriu (KO), tanba liu husi survei maka bele hatene kondisaun moris povu kiik nian.

Kestaun nee fo sai husi Diretor Exekutivu Luta Hamutuk, Jose Alves da Costa (Asaloy) ba STL, Domingo (23/05/2021) liu husi telefone.

“Hau hanoin bainhira estabelese EE, SS no KO hodi prevene povu husi pandemia surtu Covid-19, maka governu tenke halo survei ruma iha baze hodi haree mos kondisaun moris povu nian, oinsa atu apoiu ajudus humanitariu ruma ba ita nia povu iha situasaun defisil ida nee, tanba tauk mate ho moras covid estadu tenke sulan nia povu depois sem halo intervensaun folin sasan iha merkadu nomos sem apoiu sosial, ida nee hau konsidera hanesan erru boot ida neebe governu ho estadu komete ba nia povu, no laiha sentimentu humanu ba kebijakan sira relasiona ho prevensaun Covid-19 iha rai laran,” dehan Diretor nee.

Nia afirma liu tan, ho situasaun ida agora halo povu barak maka hahu hamlaha, tanba moris povu kiik nian depende ba rendimentu, karik atividade negosoiu kiik ka movimentu la lao diak iha rai laran, bele fo implikasaun ba moris povu kiik nian, tan nee governu no estadu hatene sulan povu, maibe tenke fo apoiu sosial ruma, ho nunee povu bele augenta moris iha situasaun defisil ida nee.

Iha parte seluk, Domingos Magalhaes hanesan Xefe de Bairo hateten, tanba atu salva povu husi moras mundial ka Covid-19, governu hasai despaisu hodi hapara atividade hotu hotu, atividade ekonomia nomos movimentu transporte sira labele serkula ba mai, maibe governu la intrese nia povu atu mate ka moris sira la sibuk, tanba nee maka hahu inisiu estabelese serka mai too agora seidauk fo netik apoiu humanitariu ruma ba povu.

“Ita triste bainhira hare kondutor taxista balun ba busu apoiu ai han ba iha Avo Nana iha nia rezidensia, tanba sira haree situsaun moris povu nian defisil tebes, maibe too agora governu ida la tun ba tau matan ba povu, so Avo Nana deit maka apoiu nia povu kiri kanan, maske nia la kaer ukun, maibe rasa sosial ba povu aas tebes,” dehan Domingos.

Nia hatutan, lolos nee governu ho estadu sulan povu iha uma, maibe tenke apoiu netik aihan ruma, tanba ho situsaun agora halo povu halerik los, balun halerik tanba osan atu selu kos laiha, balun halerik tanba aihan laiha, ho problema sira nee hotu husu governu atu apoiu netik povu iha situasaun agora.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: