Tabaku Ilegal Tama, Tanba Lina Servisu La Metin

DILI, STLNEWS.co – Alfandega koopera hamutuk ho Unidade Polisia Fronteira (UPF), Unidade Polisia Maritima (UPM) nomos parte relavante sira hodi halo kontrola sasan sira neebe tama iha rai laran, liu – liu tabaku ilegal neebe sei kontinua tama durante estabelesimentu Estadu Emerjensia (EE), Serka Sanitaria (SS) no Konfinamentu Obrigatoriu (KO) halo lina kordenasaun ladun metin, tanba nee negosiante sira uza oportunidade nee hodi hatama tabaku ilegal mai rai laran.

Tuir Diretor Jeral Alfandega Jose Abilio katak, alfandega la lao mesak hodi kontrola sasan sira neebe tama sai iha pontu entrada sira nee, tanba alfandega servisu hamutuk ho lina ministerias sira hanesan UPF nomos parte relevante sira hodi kontrola, maibe hafoin estabelese EE, SS, KO, halo lina kordenasaun nee mos ladun metin, tanba KO balun tama servisu, balun shift. Ho problema sira nee mak negosiante kiik sira kala uza oportunidade nee hodi hatama sasan ilegal liu – liu tabaku.

“Tabaku ilegal kontinua tama mai merkadu rai laran, dala ruma negosiante sira neebe halo negosiu iha fronteira mak kontaktu ba sira iha mota sorin ba hodi lori ilegal sasan sira nee tama mai, tanba iha fronteira seguransa rigorozu tebes, tanba nee ba oin alfandega sei hakaas an liu tan hodi prevene tabaku ilegal ka sasan ilegal labele tama TL,” dehan Jose Abilio ba STL Kinta nee  (09/09/2021) iha nia knaar fatin eis Ministeriu Finansas.

Nia afirma liu tan, kontrola alfandega nian iha fronteira nee, foka liu ba iha Postu Integradu, tanba iha Postu Fronteira nee UPF  no UPM mak bele halo kontrolu, maibe dala ruma hasoru difikukdade konaba ro’o atu halo kontrola, nunee negosiante mos hahu pasa informasaun ba ema iha Indonezia bele lori sasan ilegal mai, iha tempu neebe parte hirak nee la kontrola. Tanba nee husu ba negosiante sira hatene lei bandu tabaku nee labele faan iha rai laran, karik sei kontinua lori ilegal mai mak AIFAESA halo inspesaun iha merkadu tenke prende.

Iha parte seluk Inspektur Jeral Autoridade de Inspesaun e Fiskalizasaun  de Atividade Ekonomia Sanitaria  Alimentar (AIFAESA) Ernesto Monteiro hatete, lina koordesaun entre AIFAESA ho Alfandega nee diak tebes, tanba nee Alfandega halo kontrola iha area portuariu ka entrada sira nee, atu nunee sasan ilegal labele tama TL, no knaar AIFAESA nian mak halo inspeksaun iha merkadu hodi prende sasan neebe lei bandu labele faan iha merkadu rai laran hanesan tabaku.

“Ita preokupa dala ruma parte relevante sira neebe halo kontrola iha fronteira nee minimu ka limitadu tebes, tanba nee sira labele kontrola hotu sasan ilegal sira neebe tama husi fronteira mai, dala ruma negosiante sira nee haree ba kontrolasaun ladun masimu iha fronteira, nunee sira bele uza oportunidade nee hodi hatama sasan sira nee tama ilegal mai,” dehan Inspektur AIFAESA nee.

Nia mos husu ba negosiante sira hakarak atu buka moris ho diak, mak labele faan sasan neebe lei bandu, selae ema prende hotu tiha semak lakon (rugi).*

Reportajen: Madalena Horta/Jacinta Siquera

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: