DILI, STLNEWS.co – Taka Grupu Arte Marsiais (GAM) no Arte Ritual (AR) laos solusaun hodi rezolve problema, maibe governu tenki halo invenstimentu ba juventude sira.
Lia hirak nee hatoo husi Diretor Ezekutivu Fundasaun Mahein, Nelson Belo ba STL iha nia knaar fatin Bairo dos Grilhos, Kuarta (08/11/2023).
Nia hatete, problema arte marsiais hanesan sintomas juventude nian, tanba falta konsesu liu-liu edukasaun, bainhira edukasaun problema nee alarga boot tebes ba kampu trabalhu, tanba konflitu mosu iha Dili no munisÃpiu hanesan fenomenu juventude nian.
“Problema arte marsiais laos problema uniku, atu rezolve problema arte marsiais tenki rezolve problema juventude, dala barak juventude sira hamosu konflitu depois atu taka arte marsiais nee laos dalan diak, maibe governu haree investimentu ba juventude”, dehan nia.
Nia akresenta, tanba nee governu tenki hanoin no estuda karakter juventude mak ataka malu iha dalan publiku, governu tenki kria mekanizmu atu rezolve sosiedade nia hakarak.
Nia afirma, atu rezolve problema iha rai laran governu halo investimentu ba rekursu neebe juventude nian atu eleva sira partisipa iha prosesu dezenvolvimentu.
Durante nee edukasaun lentu, entaun juventude mukit pensamentu, nee fasil kria problema oho malu, sunu malu no asalta malu, tanba nee governu investe ba edukasaun, atu nunee labele foo alisan ba malu.
Nia informa, atu taka GAM-AR nee kompetensia governu nian, i nee kleur tiha ona. Nee hatudu lideransa Timor oan laiha konsistensia ba malu para rezolve konflitu iha rai laran.
(mar)
