DILI, STLNEWS.co – Iha loron 15 fulan Marsu, hahu iha tinan 1962 mundu tomak selebra loron Mundial Direitu Konsumidor nian, tanba nee ohin Asosiasaun Tane Konsumidor selebra Loron Mundial Direitu Konsumidor sira nian, ho tema “Reciclaqem e separacao dos lixos no transforma numa ekonomia circular em beneficio ao consume,” neebe kontribuisaun ba iha konsumidor sira.
“Ita mesak konsumidor, tanba nee nasaun hotu-hotu adopta nudar loron mundial ba direitus konsumidor sira nian, iha mundu tomak selebra loron ida nee, ita Timor, Asosiasaun Tane Konsumidor selebra loron ida nee ho tema “Reciclaqem e separacao dos lixos no transforma numa ekonomia circular em beneficio ao consume,” neebe kontribuisaun ba iha konsumidor,” hatete Presidente Asosiasaun Tane Konsumidor, Antonio Ramos da Silva ba jornalista sira liu husi konferensia imprensa iha sede Tane Konsumidor, Vila Verde, Dili, Kuarta nee (15/03/2023).
Nia esplika, Tane Konsumidor apresenta kampanha oinsa mak nudar konsumidor hatoman aan soe lixu no hafahe lixu tau iha ida-idak nian fatin.
“Tanba lixu ita nian nee soe hamutuk deit, no lixu soe arbiru deit, bainhira udan ita nia tasi sira nee mak nakonu ho lixu, no ninia impkatu nee ba saude publiku no meu ambiente, ita nia animal sira iha tasi laran,” nia esplika.
Nia informa, Tane iha proposta informasaun ba konsumidor sira no eduka konsumidor sira hatoman aan soe lixu, hatoman aan fahe lixu iha nian fatin.
Iha fatin hanesan, Prezidente Autoridade Munisipiu Dili (PAMD), Guilhermina Filomena Saldanha Ribeiro informa, Loron Mundial Direitu Konsumidor sira nian nee importante ba Timor-Leste (TL), maibe Tane Konsumidor selebra loron nee diak tebes, tanba nee sira bele halao kampanha ba loron lixu nian, atu familia no estadudante sira bele soe lixu iha nia fatin, labele soe arbiru, tanba ida nee fo impaktu tebes ba saude no ambiente.
“Konsumidor sira bele soe lixu iha nia fatin, bele trasforma ba ekonomia sikular no ninia benefisu nee ba hotu-hotu, tanba ita haree konsumidor sira sempre soe lixu iha fatin-fatin,” nia afirma.
(jen)
