Tarifa Transporte Publiku Dili – Ermera Sae, Governu Fo Atensaun

DILI, STLNEWS.co – Transporte publiku ne’ebé halai Dili ba to’o Postu Administrativu Atsabe, Munisipiu Ermera, hasae tarifa husi US$ 5 ba to’o US$ 10 kada ema, kompara ho antes ne’e ema ida selu deit US$ 5, problema ne’e halo pasajeiru sira la satisfas. Tanba ne’e husu ba governu, liu – liu ministeriu relevante atu tau atensaun hodi normaliza fali.

Kestaun ne’e fo sai husi pasajeirus Mateus de Jesus ba jornalista Tersa ne’e (28/09/2021) iha Terminal Tasi Tolu.

“Ami ladun satisfas, tanba kareta bis ne’ebé baibain tula ema husi Dili ba  Ermera Atsabe ne’e selu US$ 5 kada ema, maibe agora sae dobel, ema ida selu kedan US$ 10, tanba ne’e halo ami la satisfas, bis sira ne’e atu aproveita situasaun Covid-19 hodi buka lukru, tan nee sira hasae tarifa, no husu ba governu tenke toma konsiderasaun, normaliza fali tarifa transporte publiku, liu – liu Ermera – Dili,” dehan pasajeirus ne’e.

Nia mos afirma liu tan katak, governu tenke toma atensaun, selae transporte publiku (bis) sira ne’e aproveita situasaun Covid-19 hodi halimar folin, tanba uluk husi Dili ba to’o Atsabe, ema ida selu US$ 5, maibe agora sae kedan ba US$ 20 kada ema, tanba ne’e difikulta povu agrikultor sira, atu lori sira nia produtu mai faan iha nasional, ema ne’ebé osan iha mak bele lao, no aat liu tan mak agora tempu rai susar.

Iha fatin hanesan, kondutor bis Jose Bareto hatete, tarifa bis sae ba US$ 10 kada ema, tanba kondisaun estrada husi Gleno ba to’o Postu Atsabe aat tebes, ne’ebé to’o agora seidauk hetan atensaun husi governu. Kareta tula ema mos limitadu, tuir protukolu Organizasaun Mundial Saude katak, tenke distansia.

“Tanba nee, tuur fatin ema nain rua nian, ami fo ba ema ida deit mak mesak tuur, karik tarifa fila ba norma. Kada ema selu US$ 5 ne’e araska, tanba kadeira 25 ne’e fahe rua, ami setór ba patraun oinsa, no ense mina mos la to’o,” dehan nia.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...