Tasi Tolu Nakfilak Ba Lixu, Governu Tenke Iha Kapasidade Kontrola

DILI, STLNEWS.co – Governu tenke iha kapasidade hodi organiza negosiante neebe halo atividade negosiu iha Tasi Tolu Rai metan nian, tanba fatin nee agora nakfilak ona lixu bain hira bazar iha loron Segunda, Kuarta no Sesta.

Tuir reprezentante povu iha uma fukun Parlamentu Nasional (PN), Deputadu Domingos Lemos katak, governu tenke iha kapasidade hodi kontrola atividade negosiu neebe lao iha Tasi Tolu, tanba hare ba kondisaun real neebe akontese, Tasi Tolu laos ona odamatan nasaun nian, maibe sai ona ba fatin lixu bainhira bazar Segunda, Kuarta no Sesta.

“Hau hanoin governu tenke iha kapasidade kontrola atividade nee, tanba negosiante sira lori produtu mai husi Munisipiu Bonanaro, Liquiça, no Ermera konsentra hotu iha Tasi Tolu, no la soe foer iha fatin, lekar deit iha estrada laran, halo sidade Dili nia furak laiha, kapital nasaun sai fatin lixu,” dehan Deputadu Domingos Lemos ba jornalista Kinta (24/06/202) iha PN.

Nia mos afirma liu tan katak, lolos atu loke bazar sira hanesan nee, governu tenke prepara kondisaun neebe diak, atu nunee agrikultor sira lori sira nia produtu mai husi Munisipiu, bele faan iha fatin neebe diak, maibe realidade iha Tasi Tolu prezudika movimentasaun ba mai, no ema soe foer arbiru deit.

Iha fatin hanesan, Deputadu Adriano do Nascimento hatutan, Merkadu Tasi Tolu nee laos atu permanente, maibe uza deit bainhira serka sanitaria nee hotu, atividade hotu hotu lao livre fali ona maka atividade negosiu iha Tasi Tolu mos sei fila fali ba normal.

Tuir observasaun STL nian iha terenu haree katak, semana ida bazar dala tolu iha Segunda, Kuarta no Sesta. Iha bazar nee agrikultor sira lori sira nia produtu oin oin hanesan modo, batar, aifarina no produtu sira seluk, balun faan hahan kotak, pop mie, nasi bungkus, tanba nee halo foer nakonu.*

Reportajen: Madalena Horta
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: