DILI, STLNEWS.co – Ministru Administrasaun Estatal (MAE) informa, preparasaun serimonia investidura no serimonia isar bandeira ba Prezidente eleitu Jose Ramos Horta sei realiza iha Tasi Tolu.
“Ohin hau mai hanesan Prezidente Komisaun Organizadora neebe Primeiru Ministru nomeia, atu organiza eventu rua ba loron 19 fulan Maiu no loron 20 fulan Maiu. Iha loron 19 fulan Maiu sei realiza seremonia investidura ba Prezidente eleitu Jose Ramos Horta, neebe mak komisaun organozadora halo ona preparativus hodi realiza serimonia nee iha Tasi Tolu,” lia hirak nee hatoo husi Ministru Administrasaun Estatal, Miguel Pereira de Carvalho ba jornalista sira iha eskritoriu Nobel da Paz, Farol, Dili, Kuarta nee (27/04/2022).
Nia relata, daudaun komisaun organizadora prepara ona fatin hodi realiza serimonia investidura nee.
“Ohin hau mai nee atu atualiza mos ba prezidente eleitu, preparativu ba serimonia isar bandeira iha loron 20 fulan Maiu nian, serimonia neebe mak komemora ba dala 20 restaurasaun ita nia independensia nia,” hatete governante nee.
Kontinua ba pajina 2
