Taur Aprezenta Kampana Vasinasaun No OJE 2022 Ba PR

DILI, STLNEWS.co – Primeiru Ministru Taur Matan Ruak aprezenta kampana vasinasaun nomos Orsamentu Jeral Estadu (OJE) tinan 2022 ba iha Prezidente Republika Francisco Guterres Lú Olo.

Liafuan nee Taur Matan Ruak ba jornalista iha palasiu Prezidensial Bairru Pite, Kinta nee (14/10/2021).

“Nee enkontru semanal ho Prezidente Republika koalia asuntu rua deit, kona-ba situasaun Covid-19 iha ita nia rai, nomos kampana vasinasaun neebe dadaun nee halo iha Timor laran tomak, no ida seluk mak Orsamentu Jeral Estadu (OJE) 2022, neebe tuir lei 15 Outubru nee tenke lori ba Parlamentu Nasional,” dehan PM Taur.

Nia hatete, governu seidauk bele dezmantela sentru integradu jestaun krize, tanba dadaun nee mos Timor Leste sei iha estadu emerjensia, karik iha nesesidade ona mak bele dezmantela.

“Ita dadaun nee iha hela Estadu Emerjensia (EE), embora ita flexsibiliza situasaun, se kazu a nivel nasional duzentus i tall ativus, mas situasaun Serka Sanitaria (SS) ho Konfinamentu Obrigatoriu (KO) laiha ita flexsibiliza, tanba nee mak ita haree hela, se nesesidade redusaun nee makaas, laiha ona nesesidade, naturalmente ita bele dezmantela, mas enkuantu seidauk, ha’u hanoin ita kuidadozu loos,” tenik nia.

Xefe Governu nee hatutan, nia mos kontente tanba kazu Covid-19 bele tuun, nee signifika vasinasaun nee, nia mos fo parabens ba Dili, tanba primeira doze segunda doze kuaze ultrapasa 70%, nee diak loos tebes.*

Reportajen: Emerenciana Pinto

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...