Taur Husu Pesoal Tranzitu Firme 24 Oras Iha Postu Tranzitu

DILI, STLNEWS.co – Ministru Interior (MI) atual Primeiru Ministru (PM) Taur Matan Ruak husu membru Polisia Nasional Timor Leste (PNTL), liu – liu Unidade Polisia Tranzitu atu firme 24 oras iha postu sira iha kapital Dili.

Foto: Donaciano Magalhaes

Kestaun nee Ministru Interior (MI) atual Primeiru Ministru Taur Matan Ruak, hato’o bainhira inagura postu Unidade Polisia Tranzitu iha Bairo Pite kuarta Lokraik nee (13/10/2021)

“Ohin ita iha infraestrutura neebe diak, tanba nee hau husu ba Komandante no Vise Ministru, atu orienta membru tranzitu sira, okupa postu sira nee durante oras 24 nia laran, labele husik mamuk, no segundu tenke kuidadu didiak, tanba bainhira husik mamuk mak ema balun sei estraga,” dehan Ministru Interior MI atual Primeiru Ministru Taur Matan Ruak.

Foto: STL/Donaciano Magalhaes

Xefe Governu dehan, preokupasaun governu mak oinsa atu reduz numeru mortalidade iha estrada, tanba kada tinan ema mate barak liu kompara ho moras seluk.

Ministru Interior (MI) atual Primeiru Ministru Taur Matan Ruak agradese ba kompania rudal 7984, neebe iha vontade diak apoiu ona Instituisaun PNTL, liu husi harii postu neen (6) ba Unidade Polisia Tranzitu sira.

Fatin hanesan, Komandante Jeral Polisia Nasional Timor Leste (PNTL), komisariu Faustino da Costa agradese ba Ministru Interior atual Primeiru Ministru Taur Matan Ruak ho Vise Ministru Interior Antonio Armindo, neebe durante nee esforsu makaas hodi kria kondisaun ba insitituisaun PNTL.

Nunee mos diretor kompania Rudal 7984, Salvador Mauhoka agredese ba Ministru Interior no atual Primeiru Ministru Taur Matan Ruak ho Vise Ministru Interior Antonio Armindo, tanba bele inagura ona Postu Unidade Polisia Tranzitu.

“Buat neebe hau fo hanesan buat kiik ida, tanba hanesan sidadaun Timoroan, hau tenke kontribui hodi hadia nasaun nee,” dehan diretor kompania Rudal 7984 Salvador Mauhoka.

Aleinde nee, postu neen (6) oferta husi Diretor Kompania Rudal 7984, Salvador Mauhoka mak hanesan postu Tranzitu Bairru Pite 1, Bairru Pite 2, Terminal Bekora, Hotel Timor oin, eis Merkadu Lama, Jardin Kolmera.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...