Taur Kondena Makas Membru PNTL Tiru Mate Ema Nain 2 Iha Lahane

DILI, STLNEWS co – Ministru Interior (MI) atual Primeiru Ministru (PM) Taur Matan Ruak, kondena makas membru PNTL neebe iha Sabadu madrugada nee tiru mate mate ema nain rua (2) no ida kanek todan iha Lahane osidental.

“Hau hakfodak no triste rona elementu PNTL ida ohin madrugada hodi arma estadu nian tiru mate ita nia sidadaun nain rua no ida kanek todan iha Lahane Osidental, Hau lamenta i kondena tebes aktu refere, tanba nee ita hotu sei la tolera ida nee, i hanesan Primeiru Ministru no Ministru Interior, hau orienta ba Komandu PNTL para dezarma elementu nee, hatama ba sela hodi halo prosesu investigasaun,” dehan PM Taur liu husi komunikadu GPM, neebe STL asesu Sabadu nee (05/06/2021).

Tanba nee Xefe Governu lori VIII Governu Konstitusional nia naran hatoo senti profundas kondelensias ba familia matebian.

“Hodi hau nia naran rasik, no Governu tomak, hatoo mos ami nia profundas sentidas kondolensias ba familia matebian nian, no husu deskulpa boot ba familia vitima sira ba hahalok neebe envolve hosi elementu PNTL nee,” haktuir PM Taur.

Xefe Governu mos kompremitidu, Governu sei hola medidas neebe forte hasoru elementu polisia nee hodi bele responsabiliza ba aktu neebe nia halo ona, no Governu sei kontinua akompanha prosesu hotu, nomos sei apoiu familia matebian nian hodi hetan justisa ba akontesementu nee.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: