Taur: Traballador Mak Eroi Ba Dezenvolvimentu

DILI, STLNEWS.co – Primeiru Ministru (PM) Taur Matan Ruak informa, traballador sira iha Timor Leste hanesan eroi ba dezenvolvimentu, tanba liu husi sira mak nasaun nee bele harii ho forte no riku.

Primeiru Ministru (PM) Taur Matan Ruak hatoo lia hirak nee relasiona ho ohin loron 1 de Maio 2021, traballador hotu iha mundu selebra loron nee inklui Timor Leste.

“Traballador sira nuudar eroi foun iha faze dezenvolvimentu nasional daudaun nee nian, no liu husi sira mak ita harii nasaun ida neebe forte, riku no seguru,” dehan Primeiru Ministru Taur Matan Ruak liu husi karta komunikadu imprensa neebe STL asesu husi media office PM nian Sabadu (01/05/2021) nee.

Xefe governu afirma, loron traballador nian laos deit feriadu ka loron deskansa nian, maibe sai nuudar biban ida neebe diak teb-tebes atu hahi empenu, meritu, disiplina, profisionalizmu, serbisu iha ekipa, espiritu sakrifisiu nian no kumprimentu dever nian, neebe horik nafatin iha traballador sira, tantu nasional nunee mos estranjeiru sira, neebe belar iha setor oioin husi Timor Leste nia ekonomia no administrasaun publika, neebe kontribui makaas ba produtividade pais atu hakat ba oin iha ritmu neebe diak.

“Traballador sai nuudar bensaun no rikusoin loloos ida husi familia, komunidade, empreza, instituisaun ka nasaun ida, justu duni atu selebra ezemplu diak liu sira kona ba serbisu no exelensia, hanesan fonte enkorajamentu no inspirasaun nian hodi hasoru dezafiu sira husi dezenvolvimentu,” dehan Taur.

Eis Prezidente nee hatutan, traballador Timoroan no estranjeiru hotu hotu neebe kontribui ho laran tomak ba Timor Leste ida neebe modernu, dezenvolvidu no prosperu liutan.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: