Taur: Vasina Halo Hau Forte Liu

Primeiru Ministru Taur Matan Ruak simu vasina dahuluk, horisehik Kinta (07/04/2021). (Foto: Media Palacio das Cinzas)

DILI, STLNEWS.co – Primeiru Ministru, Taur Matan Ruak hatete, bainhira simu tiha vasina AstraZeneca, halo nia forte liu tan no sira neebe simu ona vasina kondisaun diak hela.

Xefe Governu hatoo kestaun nee, bainhira remata halo enkontru semanal ho Prezidente Republika, Francisco Guterres Lú Olo, iha Rezidensia PR Farol, Dili, Kinta (08/04/202).

“Hau koalia ho kolega balun hau dehan hau forte liu fali ida uluk nee, uluk sona hau antes karik dala ruma hau makaas liu ona, agora hau forte liu fali hau presiza ba fali dala ida atu forte liu tan, hau mos hodiseik telefone ba hau nia Vise katak imi diak kalae nia dehan diak hela, Primeira Vise mak hau la telefone, maibe diak hela ohin mai hotu entau dehan ami diak hotu,” hatete Xefe Governu.

Primeiru Ministru husu ema hotu nunee hamutuk atu bele kontinua luta hodi kontra moras aat nee, no la bele aproveita atu hatun ida ka hasae ida maibe presiza hamutuk hodi luta hasoru dezafiu hotu.

“Hau nia liafuan mak hau lembra ba ita nia inan aman sira ita nee povu luta dor, povu ida ke luta dor iha momentu neebe mak difisil ida nee mak ita hamutuk liu luta hamutuk ita manan tanba nee mak hau husu ba sira ita kontinua hamutuk ita labele fahe malu labele aproveita hanesan hodiseik hau dehan labele uza situasaun nee hatun ida hasae fali ida nee laman buat ida timor oan laman buat ida, Avo Nana mos laman buat ida, hau mos lamanan buat ida, ami hotu lamanan, ita hotu lamanan,” katak PM.

Taur hatutan, sira neebe afeta ba Covid-19 mos sente la mesak, klaru katak governu lahalo milagre, maibe buat neebe mak bele halo Governu halo ba povu sira.

Nunee mos konaba kazu Naimori Bucar neebe mak seidauk kompleta 14 iha izolamentu PM hatete se kuandu diak ona labele sulan nafatin.

Normalmente kuandu ba karantina mediku sira teste, se teste mak nafatin aumenta loron dala ruma bele 20 dias ou 30 dias nee defende, maibe kuandu laiha ona nia bele sai ona.

“Hanesan kazu Bou Naimori nia diak ona ita labele sulan nia bebeik, diak ona sai ona tantu nia kualker ema ida diak ona sai ona,” katak nia.

Nia hatutan, Naimori la viola lei, se viola karik iha ona kadeia ona, laba kadeia nee tanba la viola. *

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here