TDD Adia Kazu Deputadu Aderito Hugo da Costa

DILI, STLNEWS.co – Tribunal Distrital Dili (TDD) iha loron Segunda (10/05/2021), adia hikas kazu deputadu Aderito Hugo da Costa, ba iha loron 19 fulan Jullu, oras tuku 9:30 OTL.

Razaun Tribunal adia kazu refere tanba, primeiru kumpre rezolusaun governu konaba serka sanitaria, no konfinamentu domisiliariu. Segundu, Tribunal kumpre despaisu husi Tribunal Rekursu, atu atende deit kazu neebe urjensia, hanesan primeira interogatoriu, sumariu, arguidu prezu, no providensia kautelar. Tanba nee kazu neebe normal, Tribunal adia hikas ba iha loron seluk.

Iha sala julgamentu laran, juiz prosesu deklara katak, momentu Parlamentu Nasional hasai imunidade ba Aderito Hugo da Costa, Tribunal notifika kedas nian konaba loron neebe julgamentu. Tanba nee iha loron ohin nia hatene ona no la marka prezensa iha tribunal. Deklara tan, sasin sira marka prezensa tanba Tribunal la notifika sira. Tanba nee ohin sira marka ona prezensa, Tribunal mos esplika ba sira, kona ba razaun adia no mos loron julgamentu neebe sei tuir mai.

Nunee juiz prosesu nee deklara tan, razaun Tribunal adia kedas kazu neebe too iha fulan Jullu, tanba Tribunal mos seidauk serteza katak, rezolusaun governu nian konaba pandemia nee, bele remata iha tempu badak ka lae, tanba haree kada loron numeru nee aumenta. Ho nunee Tribunal deside kedas julgamentu ba kazu refere, iha fulan Jullu. Iha sala julgamentu laran, marka prezensa husi sasin nain lima, hanesan funsionariu husi EDTL.

Tuir informasaun neebe STL asesu, Aderito Hugo da Costa ba hatan iha Tribunal, deskonfia ligasaun ho kazu dada eletrisidade iha tinan 2016. Prosesu adiamentu nee, prezide husi juiz Argentino Nunes, Ministeriu Publiku no defeza la marka prejenza.

Antes nee liu husi sesaun plenaria iha loron Segunda (03/05/2021) iha PN, liu husi votasaun sekretu deputadu sira konfirmadu ona ba suspensaun mandatu ka hasai levantamentu deputadu Aderito Hugo da Costa, tuir pedidu Tribunal nian neebe hatoo ba PN. Nunee husi total voletin de votus 52, votus afavor 49, kontra 0 no abstensaun 3, ho nunee rezolusaun ba suspensaun de mandatu deputadu Aderito Hugo da Costa, efeitu ba prosegimentu ba prosesu judisial komfirmadu.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: