TDD Deside 35 Motorizadas Afavor ba Estadu

Prokurador Jeral Republika (PJR) Jose da Costa Ximenes. (Foto: STL News/Emerenciana Pinto)

DILI, STLNEWS.co – Prokurador Jeral Republika (PJR) Jose da Costa Ximenes hatete Tribunal Distrital Dili deside ona Motorizada 35 afavor ba Estadu.

Prokurador Jeral Republika (PJR) Jose da Costa Ximenes hatoo kestaun nee bainhira remata halo enkontru ho Prezidente Republika Francisco Guterres Lú Olo iha Palasiu Prezidente Bairru Pite, Segunda (19/10/2020).

PJR dehan Tribunal Distrital Dili (TDD) deside 35 motorizadas atu deside afavor ba estadu no ai purvolta kubik hira hamutuk ho materias balun neebe iha ona Polísia Nasional Timor Leste (PNTL) Caicoli ho kontentor lima deside afavor ba estadu.

Nunee mos Tribunal Distrital Dili iha fulan kotuk hamutuk ho patrimoniu estadu no diresaun lojistika Prokuradoria Jeral nian organiza 151 motorizadas neebe halo apresaun iha tinan haat liu ba kotuk atu prosesu lelaun. Tanba Tribunal deside tiha ona sasan nee hela a favor ba estadu, sasan sira nee laiha dokumentus hotu, depois tinan barak prende laiha dokumentus hotu.

“Agora daudaun Prokuradoria Distrital Dili hamutuk ho PNTL mos MP promove tiha ona ba Tribunal Distrital Dili, no Tribunal deside 35 motorizadas atu deside afavor ba estadu no ai ho purvolta kubik hira hamutuk ho materias balun neebe iha ona PNTL Caicoli ho kontentor 5 deside afavor ba estadu depois ninia prosesu administrativu sei tuir mai,” hatete PJR Jose da Costa Ximenes.

Molok nee iha 2015 MP prende kareta haat iha Tunu Bibi tanba kontra bandu hatama ilegal, Tribunal Suai deside tinan haat ba arguidu ida no kareta haat hela afavor ba estadu.

“Se ita sira sei lembra iha 2015, ita prende kareta haat iha Tunu Bibi tanba kontra bandu hatama ilegal, Tribunal Suai mos deside tinan haat ba arguidu ida no kareta haat hela a favor ba estadu,” katak nia.

Jose hatete kareta sira nee nia kondisaun, MP halo hela jestaun ba ida nee, se publiku sira lembra, uluk 2015-2016 MP mos prepara projeitu ida kona-ba lei rekuperasaun artigus neebe hodi bainhira MP entrega mos ba governu, Parlamentu Nasional Komisaun A atu haree fila fali, tanba kaduka tiha iha Parlamentu Nasional.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here