TDD Kontinua Atende Kazu Urjente

(Foto: TDD)

DILI, STLNEWS.co – Maske iha tempu serka sanitaria, tribunal kontinua funsiona hodi halao julgamentu ba kazu urjensia sira.

“Tribunal kontinua halao servisu hodi atende kazu urjente, hanesan primeiru interogatoriu, arguidu prezu, prosesu sumariu.” dehan Juiz Administrador Tribunal Distrital Dili, Afonso Carmona, ba STL iha TDD, Tersa (30/03/2021).

Nia hatutan, juiz no ofisial justisa neebe iha halao servisu turnu, hodi bele kumpre regra neebe Ministeriu Saude fo sai. Tanba nee iha tribunal mos prepara ona bee ba ema sira neebe tama sai atu fase liman, no kontrola ema hotu atu uza maskra.

Iha serka sanitaria nia laran ba prosesu neebe normal tribunal labele halo julgamentu, prosesu sira nee bainhira remata ona serka sanitaria nee foin bele halao julgamentu, maibe agora atende deit prosesu urjensia sira.

Iha fatin ketak, Diretor Sentru Formasaun Juridiku e Judisiariu, Antonino Goncalves dehan, sentru formasaun kontinua halao servisu, hodi atende dokumentus neebe hatama husi kandidatu sira.

Nia parte mos esplika katak, sentru formasaun sei halo teste rigorozu, tanba hakarak hili ema neebe ho kualidade atu lori justisa nee lao ba oin.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here