Tempo Adventu Sarani Fiar Nafatin Ba Jesus

Iha tempu adventu sarani sira presiza hametin nafatin fiar ba Jesus Kristu tanba fiar ba maromak sei hetan solusaun no moris foun. (Foto: Espesial)

DILI, STLNEWS.co – Iha tempu adventu sarani sira presiza hametin nafatin fiar ba Jesus Kristu tanba fiar ba maromak sei hetan solusaun no moris foun.

Kestaun nee hatoo husi Padre Richardo Pasang, SVD liu husi diaria refleksaun, Sesta (04/12/2020) liu husi Evangelho Isaias 29 : 17 – 24 no Mat 9 : 27 – 3.

“Mai iha tempo adventu nia laran, ita hametin ita nia fiar nuudar sarani ba Jesus Kristu. Tamba husi ita nia fiar, ita sei hetan moris foun, situasaun foun iha Nai nia bensaun, mai ita hamutuk ema matan delek nain rua” katak Padre.

Padre hatutan moris iha situasaun opresaun naruk bele halo ema laran kanek no mos lakon neon-dezespera. Sente katak laiha ona dalan atu luta ba justisa. Justisa lakon husi ema nia moris, justisa so ba ema neebe iha kbiit.

Situasaun hanesan nee halo ema lakon esperansa no mos bele la fiar ona ba Maromak. Nee mak problema neebe Israel esperienta wainhira hasoru injustisa iha sira nia moris.

No ema Israel barak momentu neba moris kiak no terus, Iha situasaun nee, Profeita Isaias mai iha sira nia leet hodi haklaken Maromak nia domin no hametin sira nia fiar no esperansa katak iha situasaun saida deit, nafatin tau esperansa ba Maromak. Tanba, sasukat ba justisa laos deit depende ba situasaun maibe depende mos ba Maromak nia laran luak. Profeita Isaias haklaken katak presensa Maromak nian sei lori mudansa ba povo nia moris.

Maromak sei muda situasaun terus sai fali situasaun ksolok nakonu ho domin no esperansa, Nai sei haraik liberdade ba ema ema hotu.

“Maluk sira hotu nuudar ema fiar nain sira, ita moris optimismu no esperansa hanesan evangelho hateten mai ita loron ida ohin, proklama ba Maromak no husu Nai nia laran luak, Nai nia kompaisaun ho ita nia fiar, hanesan ema matan delek nain rua, “David nia Oan, sadia ami!” Tamba ema ida bele hetan isin diak husi Maromak laos tamba nia diak no soi, nia famozu ou lae, nia riku ou kiak, nia bonita ka bonito maibe tan ba Maromak nia laran luak, Jesus la husu ba ema matan delek nain rua, imi nia osan hira, Nia la husu imi nain rua husi nebe ou mai husi grupu ida nebe Jesus mos la husu imi nia kargu saida maibe, Jesus husu ba sira, “Imi Fiar katak Hau bele halo buat neebe imi husu?” Signifika katak Jesus husu ita nia fiar no nakloke ba Maromak nia planu iha situasaun saida deit. Fiar mak halo sira bele hare fali, fiar mak halo sira haklaken Jesus nia naran ba ema hotu.”

Tanba nee bibi Atan Uma kreda nee mos husu sarani sira iha tempo Adventu nia laran, hametin fiar nuudar sarani ba Jesus Kristu. Tamba husi fiar.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here