Tempu Badak Kompania Entrega Ginaziu Dili Ba Governu

DILI, STLNEWS.co – Ginaziu Dili neebe mak reabilita husi Kompania Vitoria atinje ona 100%, ho nunee fim fulan Novembru entrega ona ba governu.

“Tuir progresu nee ami bele dehan 100% ona, ida agora dadaun ami halo nee hanesan finishing deit, hanesan hamoos pinta ulang fali ho buat kiik sira neebe mak hein atu hamoos deit ona, tanba ami nia akordu ho Sekretaria Estadu, Juventude, no Desportu (SEJD) hakarak lakoi ami iha etapa ikus fim Novembru ami entrega ona ba governu liu husi SEJD,” tenik enjeneiru Kompania Vitoria, Leonardo Soares ba STL iha GMT, Dili, Segunda nee (15/11/2021).

Nia esplika, iha problema audisional balu hanesan bee iha nee, husu atu tau iha audisional, maibe la iha aprovasaun ida konaba suplay bee mai gedung laran, tanba nee mak entrega ba governu sem bee.

Iha fatin seluk, Diretor Finansa SEJD Guido Monteiro mos hatutan, konaba Ginaziu Dili nian iha prosesu audisional mak lori tempu oituan, i audisional verifikasaun ba dala 3, primeiru verifikasaun nian kompania neebe mak halo konstrusaun la aseita ho verifikasaun husi ADN, entaun sira halo fali reklamasaun i depois hotu tiha verifikasaun segundu rezultadu mos kompania la aseita, depois tuir fali mai terseira verifikasaun mak rezultadu ikus kompania aseita ho verifikasaun ADN nian, tanba aseitasaun hamutuk iha terenu entre kompania ADN ho SEJD, entaun ida faze datoluk nian ba verifikasaun ADN nian aseita iha neeba.

Nia haktuir konaba bee nian, tanba audisional fofoun sira aprezenta 13% husi verifikasaun neebe mak iha, depois verifikasaun la inklui bee ho jardin neebe mak iha, entaun bee neebe mak fornese ba Ginaziu Dili ba bomba boot neebe mak iha uluk fura tiha ona, no bee bomba aat entaun la tama iha laran, maibe instalasaun kompletu ona hein para bomba nee hadia no fornese bee ba iha Ginaziu Dili.

(mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...