Tenke Apoiu Emerjensia Ba Vitima Inundasaun

DILI, STLNEWS.co – Reprezentante povu iha uma fukun Parlamentu Nasional, husu orsamentu neebe uluk aprova emerjensia ba vitima inundasaun nee tenke ezekuta ho emerjensia.

“Orsamentu neebe mak uluk Parlamentu Nasional aprova ho emerjensia, hodi apoiu ba vitima sira neebe mak hetan kalamidade nee, tenke ezekuta ho emerjensia, tanba komunidade balun nafatin hela iha lona okos, entaun governu tenke kria kondisaun,” lia hirak nee hato’o husi Deputada Bankada FRETILIN Antoninho Bianco ba STL iha PN, Kinta nee (16/09/2021).

Nia informa, ezekusaun mos tenke ho emerjensia, neebe dekretu lei konaba ida nee karakter emerjensia.

“Tanba uluk emerjensia nee mak ita tau osan nee, emerjensia entaun ezekusaun mos emerjensia,“ tenik nia.

Nia husu governu tenke buka fatin hodi halo uma, labele halo fali iha fatin neebe antes, kuandu halo nafatin iha fatin risku udan bele sobu fali, neebe governu buka fatin neebe mak diak para transfere ema sira nee, depois halo uma no kria kondisaun ba para bele muda.

Nunee mos Deputadu Bankada PD Adriano do Nascimento, husu ba VIII governu nuudar jestor ba nasaun ida nee, atu responde nesesidade bazika ba povu.

“Governu halo lalais ona uma ba refujiadu sira neebe mak sei hela iha lona okos, tanba impaktu siklone seroja,” haktuir nia.

Nunee mos Primeiru Ministru Taur Matan Ruak dehan, agora dadauk lina ministerial halo hela esforsu, hodi mobiliza vitima inundasaun ba fatin seguru.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...