Tenke Prepara An Tanba Tempu Mate La Hatene

DILI, STLNEWS.co – Tenke prepara an halo diak hodi simu realidade moris neebe mak iha, tanba moris nee limite no ema rasik lahatene bainhira mak mate.

Kestaun nee hatoo husi Padre Richardo Pasang, SVD ba STL Tersa (19/10/2021) katak Jesus husu ema kesi metin futu kabun no halo ahi oan lakan nafatin, tanba ema la hatene bainhira mak Na’i bolu hikas ou mate.

Padre Richardo hatutan, sempre seja kuidadoso (waspadalah senantiasa), kontiudu husi leituras ohin loron nian relasaun ho estado de alerta (kewaspadaan). Jesus dehan “kesi metin imi nia futukabun no halo imi nia ahi oan lakan nafatin. Halo imi an hanesan ema sira neebe hein sira nia nain wainhira nia mai husi festa kaben nian, atu bele tama iha festa.”

“Liafuan Jesus nee hakarak dehan mai ita katak moris nee sei limita pelo tempu (dibatasi oleh waktu) maske ita sei hakarak atu moris naruk liutan. Ita la hatene los wainhira destinu mai hasoru ita. Wainhira ita vizita ema mate sira, sempre mosu iha ita nia-an katak ohin loron Maromak bolu nia, aban karik Nia bolu hau,” dehan Padre.

Bibi atan Kreda Katolika nee hatutan, hanoin neebe mosu iha ema nia laran wainhira vizita ema mate sira, dala ruma fo hanoin ema neebe moris matan moris neon nain ou estado de alerta atu simu saida deit neebe akontese, karik Maromak determina moris iha mundu nee.

“Nee duni, prontidaun/kesiap sediaan, ita tenke hatudu iha ita nia moris liu husi ita nia esforsu hodi aprezenta vontade moris i mos nakfilak ita nia-an ba dalan diak. Ho liafuan seluk, ita dehan ita hatudu moris ho perspetiva morte/perspektif kematian. Ida nee laos katak ita hakarak atu mate, maibe husu ita atu prencher a vida (mengisi hidup) neebe limitadu tantu kuandu posivel (semaksimal mungkin) atu hahi Maromak nia Gloria no fo ksolok ba ema seluk no mos ba ita nia salvasaun rasik. Atu ita bele too moris nunee, presiza nakfilak ita nia an lor-loron atu ita bele prontu wainhira Maromak determina ita nia moris iha mundo nee,” katak Padre.

Nia hatutan, Maromak mos husu ema atu fiel nafatin ba Nia iha tempo saida deit. Maromak mos husu atu fiar metin nafatin ba Nia iha tempo saida deit, Maromak mak i prioridade moris, se kuandu moris nunee, wainhira deit Maromak bolu ou determina moris, ema prontu no fiel ba Nia no mos fiar metin ba Nia.

Iha momentu nee, Maromak dehan ksolok ba ema husu, Maromak haraik nia kbiit atu bele utiliza moris neebe temporaria iha mundu atu halo diak ba ema seluk, fiar metin no fiel nafatin ba Nia.

Iha biban nee, Padre Richardo mos ho orasaun husu Jesus atu haraik nafatin bensaun ba ema idak idak atu bele moris iha domin nia laran.

“Maromak laran diak, Ita Boot sempre loke odamatan perdua no haraik perdaun ba ami nia salan sira hotu. Haraik ita nia espiritu, akompanha ami atu ami bele halo diak ba ema seluk ho ami nia kapasidade durante moris iha mundu nee. Ami harohan nee hodi Na’i Jesus Kristu nia naran hamutuk iha Espiritu Santu, Amin.” dehan Padre ho orasaun.

Tuir Evanjellu loron Tersa, Domingu XXIX do tempo komum ROM 5 : 12, 15, 17 – 19, 20 – 21, LUCAS 12 : 35 – 38. Nai Jesus Kristu nia Evanjellu tuir São Lucas Iha tempo neeba, Jesus lia tun ba escolante sira, dehan kesi metin imi nia futu kabun no halo imi nia ahi aon lakan nafatin. Halo imi nia an hanesan ema sira neebe hein sira nia nain, wainhira nia mai husi festa kaben nian, atu loke kedas odamatan iha oras neebe nia too mai hodi tuku odamatan.

“Ksolok ba atan sira neebe Na’i hetan hader hela wainhira Nia too. Tebes, Hau dehan ba imi katak, nia sei kesi hena ba nia knotak, sei halo sira tur iha mesak, hafoin Nia sei liu husi sira leet hodi servi sira. Nia too mai karik iha ronda rua ka tolu hodi hetan sira, nunee ksolok duni ba sira. Lia Maksoin,” taka ho Evanjellu.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...