Timor Nia Funu Maluk Katuas Ona

Deputadu husi Bankada Fretilin, David Dias Ximenes Mandati. (Foto: Espesial)

DILI, STLNEWS.co – Deputadu David Dias Ximenes Mandati kontinua ezije ba governu tenke ansi buka tuir restus mortais heroi Timor Leste ba funu maluk Timor nian, tanba balu katuas ona.

Deputadu husi Bankada Fretilin, David Dias Ximenes Mandati katak, uluk kedas nia parte koalia konaba restus mortais Timor nia heroi sira nian. Husu tanba sira bele uluk involve aan iha operasaun iha Timor, ka Timor nia funu maluk, sira komesa katuas hotu ona.

“Sira agora katuas ona, tanba saida mak hau ansi, atu husu tuir ida nee, tanba molok corona nee hotu mak buat ruma akontese ba sira, nee ita husu ba sira jerasaun foun nee sira dehan lahatene ona, ida nee ita sei lahatene buat ida, tanba nee mak hau ansi para sira bele hatudu ona ita nia restus mortais heroi sira nian”, ezije Deputadu David iha PN, Tersa (09/03/2021).

Nia dehan, restus mortais sira nee hanesan, Nicolao Lobato, Bilear, Daitula, Mauhunu, no mos ema sira mate iha 10 de Jullu nian, no mos iha 83 nia, 12 Novembru nian no seluk tan, atu sira bele hatudu fatin hodi bele foti, atu nunee bele haloot iha fatin. Tanba heroi sira nee laos uluk halo buat aat ruma mak mate, tan nee atu haluha deit, tanba nee tenke buka tuir.*

Reportajen: Guilhermina Franco/Domingas Soares
Editora: Domingas Soares

LEAVE A REPLY

Please enter your comment!
Please enter your name here