Timor Oan 17 Ho Aviaun Citilink Too Aeroportu Internasional Nicolau Lobato

DILI, STLNEWS.co – Aviaun Citilink ho Marka H320 ohin Kinta lokraik nee maizumenus 14:50 OTL husi Jakarta, Indonezia too iha Aeroportu Internasional Nicolau Lobatu tula ho sidadaun Timor oan hamutuk nain 17.

Tuir Diretor Citilink, Fernando da Silva katak aviaun Citilink neebe voo husi Jakarta mai Dili lori pasajeiru Timor oan hamutuk nain 17.

“Aviaun Citilink nee tula ita husi Jakarta mai Dili mesak pasajeiru Timor oan deit. Tanba aviaun nee mai husi Indonezia mamuk entaun tula ho maluk timor oan sira neebe maka durante nee ba halo tratamentu iha Indonezia tanba moras, sira hamutuk nain 13 iha ospital Siloam, ema pasajeiru nain rua feto neebe maka mai atu hakohi ita nian eis deputada Merita Alves, inklui mos saudozu Duarte de Deus Barreito “Dusae” ho nia oan mane,” dehan Diretor Citilink Fernando da Silva ba jornalista sira iha Aeroportu Internasional Nicolau Lobato Comoro, Dili, Kinta (27/05/2021).

Aleinde nee aviaun Citilink mos lori fila pasajeiru hamutuk nain 140, entre pasajeiru sira nee kompostu husi sidadaun Xineza durante halo serbisu iha hanesa iha kompania China Harbour.

“Sira nee traballador husi kompania China Harbour neebe halo portu tibar, nomos balun hanesan traballador sentru eletrisidade Hera, staff Embaixada Xina no traballador Xineza neebe servisu iha konstrusaun.” dehan nia.

Reportajen: Alberto Menezes
Editor: Crisogono Magalhães

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: