Timoroan Koalia Latuir Etika

Forum Komunikasaun ba Valores Nasaun, preokupa ho komunikasaun iha Timor Leste, tanba Timoroan sira koalia ba malu latuir ona etika ho moral. (Photo: Media PR)

DILI, STLNEWS.co – Forum Komunikasaun ba Valores Nasaun, preokupa ho komunikasaun iha Timor Leste, tanba Timoroan sira koalia ba malu latuir ona etika ho moral.

Kestaun nee hatoo husi, Portavos Forum Komunikasaun ba Valores Nasaun, Eladio Faculto ba jornalista, bainhira remata hasoru malu ho PR, Iha Palasiu Prezidente Nicolau Lobato, Bairru Pite, Dili, Sesta (04-09-2020).

“Ami iha preokupasaun ida kona ba ita nia komunikasaun iha Timor, tanba loron ba loron komesa mihis, Timoroan koalia ba malu laiha dalan no latuir etika no moral neebe mak atu bele lao tuir,” dehan Eladio.

Forum Komunikasaun ba Valores Nasaun, hasoru malu ho PR Iha Palasiu Prezidente Nicolau Lobato, Bairru Pite, Dili, Sesta (04-09-2020).

Nia hatutan Prezidente Republika Francisco Guterres Lú Olo fo apresiasaun ba organizasaun Forum Komunikasaun ba Valores Nasaun no husu, atu kontinua entrodus kona ba assuntu demokrasia no liberdade, oinsa Timoroan sira bele koalia diak malu no intende didiak demokrasia nee lao oinsa.

Tanba tuir Eladio katak, bainhira Timor Leste hetan liberdade husi Portugal, demokrasia akontese halo Timoroan sira moruk ba malu, kaer kilat hodi halo funu iha momentu neeba FRETILIN no UDT iha diverjensia makaas maibe too iha 20 agostu 1986, UDT ho FRETILIN hamutuk koalia ba malu hodi hanoin ba assuntu Nasional.

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here