Timoroan Labele Taka Kompania

DILI, STLNEWS.co – Servisu Rejistrasaun no Verifikasaun Emprezarial (SERVE,IP) husu ba Timoroan sira labele taka sira nian kompania.

Tuir Direitor Ezekutivu SERVE Florencio Sanches hatete, diak liu Timoroan lalika taka kompania, maibe taka deit sira nian atividades no kompania husik moris ba, maske la halao atividades, tanba taka kompania nee hanesan ho ema moris dala ida no mate mos dala ida.

“Iha fulan Agostu nian laran kompania haat (4) mak taka, neebe ofisialmente taka nee maioria ema husi rai liur, nee fulan kotuk, se ita kompara ho tinan kotuk no tinan ida nee diak tebes, tanba laiha kompania barak mak taka. Hau fo ezemplu tama iha fulan Janeiru kompania sanulu resin rua (12) ofisialmente taka, nee mate ona labele loke fila fali, tuir fali mai iha Fevereiru nee tun ba lima (5) deit ona, mai iha Marsu tun ba tolu (3) deit, depois mai to’o fulan Abril, Maiu nee  zero, fulan Junu haat (4), fulan Jullu haat (4) no fulan Agostu mos haat (4), signifika katak,” dehan Florencio ba STL iha edifisiu SERVE Hudi Laran, Dili, Kuarta (08/09/2021).

Nia dehan, emprezariu sira hotu komprende ona katak, saida mak taka kompania no saida mak taka atividades temporariu, sira simu ida nee, tanba liu husi media sira nia knaar neebe fo apoiu, nuudar media neebe fahe informasaun, tanba emprezariu sira kestiona katak, se situasaun difisil taka kompania.

Florencio dehan, ho razaun taka kompania tanba maioria sira laiha ona rendimentu, tanba tinan tolu ba kotuk kauza husi politika ninia, depois mai ho pandemia Covid-19 , Serka Sanitari (SS) nee fo impaktu tebes ba emprezariu sira, tanba laiha movimentu ema no sasan, ida nee mak kauza ba sira nian atividades.

Iha fatin hanesan, Jacob de Araujo hanesan nain ba grupu kurkahe hatete, los duni katak ho situasaun Covid-19 durante nee kompania balun hahu hasoru difikuldade, liu-liu ba finanseru no balun deside taka.*

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: