Tinan 20, Dezenvolvimentu Balu hatudu progresu Diak

DILI, STLNEWS.co – Ukun aan tinan 20, progresu dezenvolvimentu iha rai laran balu avansa tebes no iha balu sei lao neineik, tan nee faze balu hatudu progresu boot no faze balu seidauk.

Kestaun nee fo sai husi reprezentante povu iha uma fukun Parlamentu Nasional, Deputada Maria Angelina ba STL Kinta nee (05/05/2022) iha nia knaar fatin Parlamentu Nasional.

“Ita haree setor sira neebe too agora sei lao neineik, nee mak setor edukasaun, iha parte infraestrutura fizika, alunus iha area remotas balu sei tuur deit iha rai, tanba la iha kondisaun, maibe iha progresu balu ita alkansa ona, joven barak hatene lian portuques, barak hetan bolsa estudu hodi ba estuda iha ema rai,” dehan Visi Prezidente Parlamentu Nasional.

Nia afirma liu tan, dezenvolvimentu iha setor agrikultura mos menus, tanba nee Timor Leste depende makaas ba produtu importasaun husi rai liur.

Iha fatin hanesan, Deputadu Mariano Assanami hatutan, dezenvolvimentu iha rai laran lao avansadu nee governasaun AMP nia tempu, setor infraestrutura iha rai laran nee lao makaas tebes, maski iha suku balu deit mak seidauk asesu.

“Ita haree governasaun neebe lidera husi Xanana nia tempu nee konsege halo buat barak, povu iha area remotas asesu hotu ona lina eletrisidade, estarada husi Dili ba munisipiu barak kaber hotu ona, lina eletrisidade hela deit suku 60 mak seidauk asesu, maibe too agora sei nafatin hela deit,” dehan deputadu nee.

Nunee mos Deputada Virgina Ana Belo hatutan, ita labele koalia barak konaba dezenvolvimentu iha rai laran, lao ka lae, husik povu mak sai sasin, governu dala 8 nee ukun halo ona saida, husik povu mak sai sasin,” dehan Deputada nee.

(mad)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...