DILI, STLNEWS.co – Sura loron balu tan povu Timor Leste sei selebra tinan 20 restaurasaun independensia, maibe prosesu investimentu iha rai laran kontinua hakdasak.
Tuir Diretor Ezekutivu SERVE, Florencio Sanches katak, governu tenki kria politika atu atrai investidor sira ba iha investimentu, liu-liu iha otel neebe Timor Leste iha, iha deit kuartu rihun 10, tan nee governu investe iha otelaria.
“Ita hakdasak atu investe iha otelaria, maibe dala ruma kbiit mak la too, tanba nee ita agradese iha semana oin mai governu sei lansa fatuk dahuluk ba investimentu boot otelaria, neebe sei lansa iha Licidere semana oin,” dehan Diretor SERVE, Florencio Sanches ba jornalista hafoin partisipa iha workshop ho tema “Matadalan Ba Kresimentu Turizmu”, iha salaun MTK, Kaikoli, Dili, Kinta nee (12/05/2022)
Tuir nia katak, investimentu ida nee mai husi investor husi Singapura, investimentu refere sei hamriik ho andar 20 resin.
Nia afirma liu tan katak, tuir planu iha loron 17 fulan nee, sei iha lansamentu fatuk dahuluk ba investimentu otel neebe lokaliza iha Bidau.
(mad/nat)
