DILI, STLNEWS.co – Liu husi deskobrimentu Asia Justice and Right (AJAR) katak, tinan 20 ona Timor Leste restaura independensia, feto sira neebe iha rural seidauk goja sira nia liberdade no direitu.
Tuir Diretor Ezekutivu AJAR, Jose Luis Oliveira hatete, iha deskobrimentu hirak neebe maka sira hetan, katak tinan 20 ona Timor Leste restaura nia independensia, feto sira, liu-liu feto sira iha rural seidauk goja sira nia liberdade ho diak, no seidauk goja sira nia direitu ho diak.
“Dala barak sira sei kontinua hetan violasaun direitu umanu, ami haree katak primeiru nee husi ita nia kultura neebe domina ho patriarkal, signifika hahi mane deit no tau deit importansia ba mane deit, nee duni feto barak sei hetan diskriminasaun no hetan violensia ba ida nee,” dehan Jose ba jornalista iha nia knaar fatin Farol, Dili, Tersa nee (26/04/2022).
Nia dehan, ate agora estadu seidauk konsege liberta no proteje feto sira nee ho diak, maski iha konstituisaun neebe progresivu, no ratifika ona konvensaun kontra diskriminasaun ba feto.
(san)
