DILI, STLNEWS.co – Relasiona ho kondisaun estrada iha teritoriu laran nafatin grave, tama tinan 20 ona povu seidauk senti ukun aan.
Kestaun nee haktuir husi Reprezentante povu iha uma fukun Parlamentu Nasional (PN), Deputada Bankada FRETILIN, Gabriela Alves ba jornalista sira iha PN, Kinta nee (28/04/2022).
“Estrada nee too tinan 20 ona povu la senti ukun aan, agora ita fo sai tiha media oin-oin katak, atu halo estrada ba povu sira, maibe ninia prosesu too agora nunka hahu,” dehan nia.
Nia afirma, ezemplu estrada ida husi Weake too Postu Adminitrativu Kelikai, tama too Nahareka, Postu Administrativu Ossu nee, kuaze tinan 2 ka 3 ona fo sai iha media sosial atu halo, maibe povu hein too mate deit.
Nia tenik, husu atu habadak prosesu birokrasia ka aselera sira nia prosesu birokrasia sira nee hodi halo atendimentu ba povu, tanba povu nian mak wainhira estrada diak sira bele lao buka moris.
(dom)
