DILI, STLNEWS.co – Tinan 20 ona Timor Leste hetan nia independensia, tanba nee presiza dignifika luta nain sira, liu-liu inan aman veteranus sira, tanba too agora balu sei moris mukit hela.
Kestaun nee fo sai husi jerasaun foun atual reprezentante povu iha uma fukun Parlamentu Nasional, Deputadu Mariano Assanami Sabino ba STL Sesta nee (06/05/2022) iha Parlamentu Nasional.
“Hau hanoin ita tenki dignifika inan aman veteranus sira, tanba sira nia luta hodi rai ida nee hetan ukun aan, no governu promete ona atu harii uma ba veteranus sira, maibe realidade la realiza, veteranus balu la iha kondisaun neebe diak, too sira lakon destinu tratamentu saude ba sira ladun razoavel, too kampanha sira buka veteranus sira atu vota ba sira, buka veteranus atu halo servisu ba sira, no kaer tiha ukun la tau matan ba veteranus sira,” dehan jerasaun foun nee.
Nia katak, too agora veteranus balu sei moris mukit hela, sira moris mukit laos tanba sira nia sala, maibe tanba partidu sira neebe kaer ukun ladun fo valorizasaun ba veteranus sira.
(mad)
