Tinan Foun Lori Domin

Juiz Administrador Tribunal Distrital Dili, Afonso Carmona. (Foto: STL/Terezinha de Deus)

DILI, STLNEWS.co – Tinan foun neebe sei mai, lori domin dame ba ema hotu, liu liu ba autores judisial sira, atu bele halao knaar ho diak.

“Hau hanoin kada tinan ita selebra natal loron natal no tinan foun, tanba nee esperansa hau nian tinan foun neebe sei mai lori dame no domin, liu ba autores judisial sira atu halao knaar ho diak, dehan Juiz Administrador Tribunal Distrital Dili, Afonso Carmona ba STL iha TDD, Kuarta (30/12/2020).

Nia hatutan, lori juiz husi Tribunal Distrital Dili nia naran, hatoo Boas Festa Santo Natal, no boas entrada ba sosiedade sira hotu, espera ho tinan foun nee bele lori grasa no domin mai ema hotu.

Juiz nee enkoraja mos ema hotu atu hakmatek simu tinan foun, labele halo krime iha loron boot nee, tanba se halo krime maka sei kumpri regra neebe iha.

Tuir dadus neebe iha katak, durante loron boot iha loron 24 no 25 tribunal halao deit julgamentu ba iha prosesu urjensia rua.

Prosesu primera interogatoriu ida, no prosesu sumariu ida, nee hatudu katak, populasaun moris hakmatek iha loron boot nee, la envolve iha krime.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here