Tinan Nee Karate-do La Iha Kampionatu Nasional

DILI, STLNEWS.co – Tinan nee Federasaun Karate-do la iha kampionatu nasional ba atleta sira, maibe parte Sekretaria Estadu Juventude no Desportu (SEJD) husu sira atu halo ezibisaun iha ambitu selebrasaun loron boot proklamasaun independensia Timor Leste iha Munisipu Baucau.

Lia hirak nee hato’o husi Sekretariu Jeral Federasaun Karate-do Timor Leste, Antonio Carlos ba STL iha nia knaar fatin CDTL, Dili, Segunda nee (15/11/2021).

“Loloos tinan nee ami halo kampionatu nasional, maibe parte governu husi SEJD aloka orsamentu ba kampionatu nasional tama iha primeiru ho segundu trimestre, tanba nee primeiru trimestre ho segundu trimestre nee ita tama hela ba situasaun Covid-19 neebe mak sempre hetan konfinamentu obrigatoriu (KO) no serka sanitaria (SS), ho ida nee mak ita la konsege halo,” katak nia.

Nia dehan, entaun terseiru no kuatru trimestre nee mosu fali federasaun balu mak halo, tanba nee mak halo konsulta ho Diretora Alta Kompetisaun husi SEJD, entaun sira Informa katak, tinan nee federasaun sira neebe mak tama iha terseiru no kuatru trimestre mak realiza kampionatu nasional Karate-do labele ona realiza.

Nia hatete, Karate-do prontu agora halo hela preparasaun ba atleta sira husi nasional, tanba atleta sira iha Baucau momentu Covid-19 sira mos iha risku hotu, depois sira la treinu, tuir proposta neebe mak hatama nee 30 pesoas.

(mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...