Tinta Votasaun Tinan Nee Diferente, Fasil Moos Lalais

DILI, STLNEWS.co – Votante Jose Gomes afirma, tinta ida agora uza ba iha fatin votasaun nee diferente ho tinan hirak liu ba kotuk, tanba tinta ida agora iha liman fasil moos lalais deit, maski hamoos ho tisu.

Tuir Jose dehan, nudar sidadaun Timor oan senti kontenti ba loron ida ohin hakat mai iha fatin votasaun hodi ezerse direitu de votu iha fatin sentru votuasaun, hodi hili figura neebe atu ba ukun iha tinan 5 mai, esperansa ba iha eleisaun ida nee, CNRT sei hetan vitoria ka manan iha eleisaun ida agora nee.

“Agora ho esperiensia neebe tuir eleisaun prezidensial iha tinan 2022 no eleisaun sira neebe uluk liu ba, tinta sira neebe uza ba iha eleisaun ka iha fatin votasaun ho ida agora nee hanesan ladun orjinal, tanba hau vota hotu lao sai deit tinta iha hau nia liman kukun nain mos tiha, kompara ho tinta sira uluk-uluk nian, bainhira vota hotu tita iha ita nia liman atu lakon sei han tempu loron 3 ba leten, mais ida agora nee lae,” dehan nia ba STL iha fatin sentru votasaun Sede Suku Komoro, Domingu nee (21/07/2023).

Nia tenik, hanesan votante senti katak, tinta neebe uza ba iha fatin votasaun nee ladun iha kualidade ka tinta neebe baibain.

“Entaun haree ba iha tinta ida nee, presiza estadu tenki tau matan, lae mak buat sira nee bele mosu iha manipulasaun, tanba tinta nee ema fase deit liman ho bee la uza sabaun mos nia lakon tiha ona, la hanesan uluk,” afirma nia.

Hafoin ezerse tiha nia votu, Prezidente Partidu CNRT preokupa ho tinta, tanba tinta nee ladun forti no bele mos lalais deit.

(dom)

LEAVE A REPLY

Please enter your comment!
Please enter your name here