Tiru Mate Komunidade, Jurista Husu Komando PNTL Urjentemente Hasai Oknum

DILI, STLNEWS.co – Relasiona ho akontesementu neebe akontese iha Lahane, oknum PNTL ida tiru mate ema nain rua, tanba nee jurista Timor oan husu ba Komandante Jeral PNTL, atu urjentemente hasai oknum nee husi instituisaun.

“Husu ba Komandante Jeral PNTL urjentemente hasai oknum polisia neebe uza pistola hodi tiru mate komunidade katuas lia nain ho ninia oan ida mate, no nia mane foun kanek todan,” dehan jurista Fernando da Costa ba STL, liu husi Whatsapp, Sabado (05/06/2021).

Nia hatutan, husu ba Komandante Jeral atu halo tuir sistema neebe Tenente Jeneral F-FDTL hasai ba ninia membrus sira katak, membrus neebe maka uza forsa ka uza arma hodi tiru komunidade, tenki hasai kedas no lalika liu husi kualker seremonia.

Nunee husu mos ba Komandante Jeral tenke halo identifikasaun ba membru sira neebe inan aman, ou inan ka aman neebe sei iha Indonezia karik, para antisipa bainhira iha problema ruma karik, fasil atu deteta. Tanba durante akontesementu sempre mai husi membru foun ajente sira.

Jurista nee mos husu mos ba Komandante Jeral halo projetu lei ida ho rigorozu, hasae ba iha Ministeriu Interior hodi ba deskute iha Konsellu Ministru para bele hodi regulariza membrus sira nia atitude neebe sempre uza violensia fizika no sasan kroat estadu nian, hodi oprime povu kiik sira.

“Pesoalmente hau sujere ba Komandante Jeral atu konsidera hau nian hanoin nee ho klasifikasaun urjentes husu ita hotu hamutuk ba nasaun nee ninia diak,” dehan Costa.

Jurista nee esplika liutan, situasaun grave no fora de kontrola, susar tebes. Akontesimentu hanesan repete konsekutivamente iha tempu badak hatudu katak, “ita mesak ona, estadu soberanu la eziste”. Favor boot ida investiga kazus hirak nee ho klean too hetan nia hun ho abut tuir lialos atu nunee justisa bele proteje povu kiik, kiak ,no mukit.

Tuir informasaun neebe STL asesu katak, iha akontesementu nee aman no oan mane maka mate ona, no nia mane foun maka sei kanek agora sei iha HNGV. *

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: