Tiru Mate Sidadaun, Komjer Prosesu Ona Oknum PNTL

DILI, STLNEWS.co – Komando Jeral (KomJer) Polisia Nasional Timor Leste (PNTL), liu husi Polisia Nasional Servisu Investigasaun Kriminal (PNSIK), halo ona prosesu inisiu no foti asaun prosedimentu kriminal ho disiplinar ba oknum PNTL neebe tiru sidadaun sivil nain rua mate no nain ida kanek todan.

Komandante Operasional PNTL Superintendente Xefe Pedro Belo informa konaba prosedimentu kriminal, Komandante Jeral orienta ona PNSIK no prosedimentu disiplinar orienta ona mos departamentu justisa atu servisu hamutuk halo prosesu inisial neebe mak oras nee sira halo hela.

“Ita hotu hein tempu badak sei remata sira nia prosesu tomak hodi intrega ba Ministeriu Publiku, hafoin Ministeriu Publiku mak sei entrega ba tribunal depois juiz mak sei foti desizaun ba kazu ida nee,” dehan Komandante Operasional Pedro Belo ba jornalista liu husi konferensia imprensa iha Komando Jeral Caikoli, Dili, Sabadu (05/06/2021).

Nia dehan, iha minutu balu tan Komandante Jeral Komisariu Faustino da Costa imediata sei foti desizaun ba membru PNTL neebe komete krime refere, maibe buat hotu sei entrega ba prosesu investigasaun kriminal no disiplinar ninian.

“Kazu sira nee hotu ninia finalidade iha tribunal no mos prosedimentu uza kilat nee iha duni tanba nee mak Komandante Jeral orienta kedas departamentu justisa atu halo kedas prosesu inisial neebe oras nee lao hela,” dehan nia.

Iha biban nee, Komandante Jeral PNTL, Komisario Faustino da Costa halo enkontru urjente ho Vise Ministru Interior, Antonio Armindo hodi koalia konaba oinsa atu foti desizaun ba oknum PNTL neebe mak tiru sidadaun sivil nain tolu hodi rezulta nain rua mate no nain ida kanek todan.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: