TL Bandu Utiliza Saku Plastiku

DILI, STLNEWS.co – Tuir dekretu lei nu. 37/2020 bandu utiliza saku plastiku iha loja, tanba plastiku susar atu dodok bele fo implikasaun aat ba ambiente.

Tuir politika zero plastiku neebe implementa, tanba bazeia ba dekretu lei nu. 37/2020 nee hatete katak, saku plastiku neebe mak utiliza tau sasan iha loja sira nee bandu atu halo importasaun no halo produsaun iha rai laran.

Objetu plastiku nee sasan sira neebe mak halo husi plastiku, ida nee mos iha dekretu lei nee bandu, maibe iha dekretu lei nee mos fo dalan ba importador no produtor sira atu bele importa i produs, maibe tenke selu taxa 30%, nee tuir dekretu lei nian hatete.

“Prosesu ida agora dadauk lao iha Timor Leste, tanba lei nee vigor iha loron 23 fulan Janeiru tinan 2021, entaun agora dadauk ita lao hela no halo sensibilizasaun ba ita nia komunidade sira, liu – liu ba importador no produtor sira, para bele troka saku plastiku ho pasta viodegradavel, ho intensaun katak kuandu bainhira ita utiliza saku plastiku, ita soe ba ita nia ambiente nee defisil atu dodok, iha tempu udan bee lori tama ba valeta sira nee to’o ikus bee lori tun ba tasi,” lia hirak nee hato’o husi Xefe Departamentu Kontrolo Poluiçaõ, Carlos Conceiçaõ ba STL iha nia knaar fatin Akait, Kinta nee (16/09/2021).

“Bainhira plastiku sira nee tun ba tasi, depois balada sira iha tasi laran neeba konsumu plastiku, iha nasaun balun ema sientista sira identifika ona katak, iha animal sira neebe mak iha tasi laran, bainhira kaer no fera plastiku iha animal sira nia laran, komesa barak ona entaun ho ida nee mak prejudika ita nia animal sira iha tasi laran. Nunee estraga ita nia biodiversidade neebe mak iha ona nia rejultadu,” katak nia.

Nia akresenta, agora dadauk atu tun para konfirma fila fali kuantidade ida neebe mak uluk foti nee sei nafatin ka aumenta, se menus nee signifika katak distribuisaun lao komesa diak, maibe aumenta nee problema boot.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...