TL Hasoru Situasaun Difisil, SS Husu Governu Poupa Osan

DILI, STLNEWS.co – Sosiedade Sivil (SS) husu ba governu, atu halo poupansa ba osan neebe iha, tanba Covid-19 halo investor la mai, kompania barak taka, reseitas domestika laiha, osan atu foti husi neebe, se governu la hatene halo poupansa.

Kestaun nee fo sai husi Offisial Program AJAR, Inicencio Xavier ba STL, Domingo nee (19/09/2021) liu husi telefone.

“TL hasoru hela situasaun difisil, ekonomia rai laran monu hakdasak susar atu hamriik, investor laiha, kompania barak taka, reseitas domestika laiha, ita atu foti osan iha neebe, sekarik governu la halo poupansa, tanba nee husu labele viajean ba rai liur osan neebe iha, diak liu uza ba hadia ekonomia rai laran,” dehan Sosiedade Sivil nee.

Nia afirma liu tan, Covid-19 sulan povu labele halo atividade, ekonomia familia kada loron susar ba beibeik, agrikultor labele asesu ba merkadu, tanba estrada ladiak, lolos osan neebe iha governu uza ba hadia problema rai laran, laos lori semo ba rai liur.

Iha parte seluk, Diretor Ezekutivu Luta Hamutuk Jose Alves hatete,  durante impase politik mai to’o Covid-19, ekonomia rai laran hasoru situasaun difisil, kompania barak taka, implika ba dezempregu aas, reseitas laiha, tanba ro’o neebe tula sasan tama sai la lao normal, aviaun la semo normal, ho problema sira nee hotu, husu governu atu tetu bainhira gasta osan ba halo viajen ruma ba rai liur.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...